Ny feon-teny

 

« Ny teny manidina fa mimpirina kosa ny soratra » hoy ny ohabolana latinina .

Marina tokoa izany amin’izao fotoana mbola anjakan’ ny riban’ny soratra izao satria voatahiry amin’ny alalan’ny boky sy ny solosaina ny fahaizana amam-pahalalan’ny olombelona ; efa manomboka mahazo vahana anefa ny teny tenina satria efa azo tahirizina amin’ny fomba mihatsara sy mateza hatrany ; ary raha amin’ny fifandraisana andavanandro, dia mbola ny teny tenenina no manan-tombo ; ny fifandraisana an-tsoratra aza, noho ny fandrosoan’ny haitao, dia efa ifaninanan’ny teny tenenina eo amin’ny fifandraisan’ny samy olona na ny olona sy ny milina toy ny solosaina.
Koa samy manana ny anjara toerany ny teny soratana sy ny teny tenina.

Ny feon-teny amin’ny teny tenenina no horesahina eto ; ny feon-teny malagasy araka ny andinihana azy amin’ny alalan’ny haitsikera ao amin’ny haiteny ara-drafitra sy araka anjara asa ary ampifanohanana, araka izay azo atao sy mahamety azy, amin’ny haitao amin’ny taranja toy ny fizika (haifeo ankapobeny), matematika (teôrian’ny vondrona, lefa toy ny tatitra sy lôgy), ny teôrian’ ny serasera sy ny laza vaovao, ary ny haiantontanisa sy tetikisa ny toetra sy ny anjara asany fototra amin’ny haifeon-teny sy rafi-peo aloha no velabelarina ; izay vao mijery ny toetra sy asany amin’ny ambaraton-tsikera hafa amin’ny haiteny : fiendrika amin’ny rafi-peo aman’endrika, filatsika ao amin’ny tarika sy fehezan-teny, fisokajy ao amin’ny rakibolana, fitaha sy faneva ao amin’ny rakibolana sy lahateny.

1.Ny feon-teny araka ny rafi-piseraserana

Ny feon-teny , araka ny anarany sy araka ny teôrian’ny serasera, dia ireo feo ampiasain’ny mpandefa hafatra (mpiteny) rehefa te hifandray amin’ny mpiray teny (mpandray) aminy izy.
Ny feon-teny izany dia fitaovana entina maneho sy mampita hafatra avy amin’ny mpandefa mankamin’ny mpandray.
Mba hahatafita tsara ny hafatra anefa dia tsy maintsy miseho sy mirafitra araka ny lalàna ifanarahan’ny roa tonta ny feon-teny. Izany no mahatonga ny feon-teny ampiasain’ny Malagasy holazaina hoe feon-teny malagasy satria feon-teny manana toetra manokana amin’ny fisehony, amin’ny firafiny sy amin’ny asany izay sady iombonan’ny mpiray teny malagasy no iavahany amin’ny feon-tenim-pirenena hafa.
Ireo toetrany miavaka eo amin’ny fiseho, firafitra sy asany amin’ny fampitan-kafatra manokana (teny malagasy) ampiasain’ny Malagasy ireo no mampiavaka azy koa amin’ny feo hafa mety havoakan’ny olona amin’ny hetsika « voajanahary » (kohaka, erotra, fisefo…) na amin’ny fiontanana « fitairanana » toy ny [hm], « fahasorenana » toy [tsss…], « figagana » na « faharariana » toy ny [aiaiaiai…] ; na dia mety hampitan-kafatra na koa mety hisy endrika itoviany amin’ny feon-teny aza ireo feo ireo dia tsy feon-teny satria tsy miseho sy tsy mirafitra toy ireo ampiasaina amin’ny rafi-teny.

Fanamarihana momba ny fanoratra :
ifanarahana fa :
-ny feon-teny dia « soratana » araka ny A.P.I. (afatsy rehefa tsy ahitana tarehin-tsoratra na mari-tsoratra ao amin’ny solosaina) ;
-ny feo soratana amin’ny lafiny haifeo dia atao anaty […], ohatra [mã’ndzunu] manjono; -ny feo « soratana » ara- drafipeo dia atao anaty /…/, ohatra /ma’ndzunu/ ;
-ny singan-toetra amin’ny feo ara-tarika na ara- karazana dia atao anaty […], ohatra [alohan’ny tsindry] na [kentsona, migoboka] ;
-ny tsindrim-peo dia « aseho » amin’ny faingo mihantona alohan’ny vanin-teny na zanapeo voatsindry, ohatra /ma’ndzunu, mandzu’nua, mi’adi mi’dia/;
-ny ohatra teny malagasy soratana araka ny tsipelina mahazatra dia atao sora-mandry, ohatra manjono ry Rakoto ;
-ny feo, hasim-peo, hasin-teny, tarika na, fehezan-teny « tsy misy », « tsy fampiasa » na « tsy ara-dalàna » dia marihina kintana (*…) ;
-ny hevitry ny hasin-teny na voambolana dia atao anaty farango sosona « … », ohatra /‘faha’valu/ « mpifanandrina » ;
- ny voambolana manokana amin’ny haifeo, rafi-peo, rafi-teny na taranja hafa voaresaka dia atao soratra matavy ; ny voam-bolana misy lanjany amin’ny fanazavana, na dia tsy voambolana manokana aza, dia atao anaty « … » ; ny tarehin-tsoratra sy mari-tsoratra hafa dia voazava araka ny isehoany.

2. Ny lafin’ny feon-teny ao amin’ny haifeon-teny

Raha mbola amin’ny « mahaakora » azy -izany hoe amin’ny mahafeo mbola « tsy voatrandraka » amin’ny fampiasana azy ao amin’ny rafi-teny, dia ny taranja na ny ambaratogan-tsikera haifeon-teny (hafohezina hoe haifeo) no andinihana ny feon-teny (hafohezina koa hoe feo).
Ireo dingana telo amin’ny serasera no azo amaritana tsara ny karazana haifeo telo :
1- ny dingana voalohany « amoahan’ »ny mpiteny ny feo amin’ny alalan’ny taovam-panononana no sahanin’ny haifeo amin’ny lafiny taova ;
2-ny dingana faharoa « iampitan’ »ny feo amin’ny rivotra amin’ny alalan’ny onjam-peo dia sahanin’ny haifeo ara-panonja ;
-3 ny dingana fahatelo « iantefan »’ny feo amin’ny mpandray dia sahanin’ny haifeo ara-pandraisana :
Serasera
1-famoahana…………2-fiampitana…………..3-fandraisana

Haifeo :
1-amin’ny lafiny taova………..2-ara-panonja…………3-ara-pandraisana

Raha izany, misy lafiny telo azo amaritana tsara ny toetry ny feo tsirairay avy ;
ohatra ny toetry ny feo [s] sy[p] :
(1) [s] :1-[ankihy, mitafitafy…] ; 2-[filo (mateti-piherina)…] ; 3-[misioka sy/na misoka…]
[p] :1-[amolotra, mikatona…] ;2-[dombo, (mahalam-piherina)…] 3-[mipoaka…]

Mba hahamarina tsara ny famaritana amin’ireo haifeo telo dia tsy ampy velively ny « fitsapatsapana » tsotsotra mety hataon’ny tsirairay rehefa manonona na rehefa mihaino.
Mila « fitaovana manokana » izany famaritana izany ka ny haifeo ara-pisedrana na ara-pitaovana no isahanana izany, manahaka ny atao amin’ny siantsa momba ny fisedrana atao amin’ny haiay, simia na fizika.

Mila haitao sy indrindra fitaovana manokana ny famaritana na inona na inona lafiny amin’ny feo tsirairay.
Ny Abbé ROUSSELOT tamin’ny voalohandohan’ny taona arivo II , no nanomboka izany ho an’ny feo malagasy, araka ny fitaovana nisy tamin’izany (fanoritra onjam-peo, fanori-danilany mora meloka) ; nanaraka azy i DAHL I952 ; tsy mbola azo namaritana marina tsara ny toetran’ny onja-peo anefa ny fitaovana nampiasain’izy ireo. RAFITOSON I980 ; ANDRIANASOLO I988 ; RAONIARISOA I986, I995 ;… ary indrindra RAKOTOFIRINGA I965, I982 dia afaka nampiasa fitaovana « matsilo » kokoa ary nampivadiana tamin’ ny solosaina aza ho an’ny taty aoriana , fitaovana toy fanori-danilany, fanori-biloka sy fanoritra alo-peo samihafa miampy fandrefy manokana azo andrefesana marina tsara ny tsindry sy onjam-peo fototra sy zanany amin’ny fivelarany mahenika ny singan-toetra rehetra voamariky ny milina.
Ny haifeo ara-pandraisana no tsy mbola lasa lavitra loatra, noho izy misy lafiny maro mifampiditra :taovam-pandraisana ivelany (sofina, ampongan-tsofina) sy anaty (taolan-kely… retsika… foibem-pandraisana ao amin’ny atidoha) izay ilana fitaovam-pisedrana sy haitao maro lafy sarotra sahanina. Koa ny momba ny feo amin’ny lafiny taova sy ara-panonja no hanehoana santionany amin’ny fomba itsikerana sy famaritana ny feon-teny malagasy.

2.1.Ny feon-teny ao amin’ny haifeo ara-taova.

Atao ho toy ny lefa ny feon-teny ka heverina fa misy mpihazaka mamaritra ny lafin-toetrany araka ny fiasan’ny taovam-panononana ; ireto ny mpihazaka ahazoana mamaritra tsara ny feon-teny malagasy : ny figoboka, ny fikentsona, ny fari-panononana, ny fisokatra ; ny mpihazaka hafa toy ny fimolotra dia heverina ho toy ny tsy misy lanjany amin’ny rafi-peo malagasy ka ahatsapana toetra « miavaka » ara-peo kanefa « manara-poana » ara-drafi-peo ; ny kendrena amin’ny haifeo araka anjara asa manko dia tsy ny hahita ny toetra « marina » rehetra amin’ny mahaakoram-peo fa ny hampivoitra ny toetra afaka mitana anjara asa amin’ny rafi-teny.
Fanamarihana momba ny voambolana « manokana » amin’ny haifeo :
ny voambolana milaza mpihazaka misy tovona toy ny figoboka, fikentsona, fisokatra, fimolotra, zana-(peo), reni(feo)… dia milaza « toetra tsotra am-boalohany », fa ny voambolana misy tovana kosa dia atokana ho an’ny fiovana ara-peo na araka endrika toy ny figobohana, fikentsonana, fisokafana, fimolorana, fizanahana, « firenena »…

2.1.1 Ny toetry ny feon-teny araka ny mpihazaka figoboka.

Ny tadim-peo ao amin’ny traoka misy fipararetana na tsia no mamaritra ny [toetra migoboka] na [tsy migoboka] ; mizara roa izany :
-ny [migoboka ho azy] faritan’ny ny fipararetan’ny tadim-peo mandeha ho azy ka tsy vokatry ny safidin’ny mpiteny, mifanohitra amin’ny [migoboka tsy mandeha ho azy], vokatry ny safidin’ny mpiteny hanavaka na tsy hanavaka hasim-peo amin’ny fampipararetany ny tadim-peo na tsia : (2)a -[migoboka ho azy] : -ny [zanapeo tsotra] sy ny [zanapeo sosona] ary ny[zanapeo tapany] : [a, e, i, u, o ; ai, au, ia, ua, iu, ui, eu ;…(j) (w)]
-ny [renifeo kentsona] sy [renifeo tsy milahatra] : [m, n, ? ; l, r] (2)b -[migoboka] :[b, d, g, v, z, mb, nd, ?g, dr, dz, ndr, ndz] (2)d -[tsy migoboka] :[p, t, k, f, s, h, ( ?), tr, ts, mp, nt, ?k, ntr, nts] Marihina fa ny [figoboka] na [tsy figoboka] ao amin’ny (2)a dia tsy misy fiantrakany amin’ny asa fanavahana ; ny toetra [migoboka] sy [tsy migoboka] ao amin’ny (2)a sy b kosa dia afaka manavaka hasin-teny satria safidin’ny mpiteny no ampiavahany ireo toetra roa ireo afa-tsy ao amin’ny [h] sy [ ?] [tsy migoboka] izay tsy misy hasim-peo [migoboka] mifanandrify aminy ; toy izany koa ny figoboka malefaka amin’ny [renifeo kentsona tapany], noho izy mandeha ho azy satria tsy voatonona ny ketsona raha tsy [migoboka], dia tsy manavaka.

2.1.2. Ny toetry ny feon-teny amin’ny mpihazaka fikentsona

Ny toetra miambaratonga telo amin’ny fikentson’ny renifeo malagasy dia vokatry ny asan’ny amboakelintenda (na saron-tenda) –a) midina, -b) miakatra, na –d) midina aloha vao miakatra indray ;ny fidinan’ny amboakelintenda dia mamela ny rivotra handalo any an’orona ka manome ny [renifeo kentsona] ; ny fiakarany kosa dia misakana ny rivotra tsy ho any fa mamela azy handalo ao am- bava : [renifeo am-bava] ; ny fifandimbiasan’ny fidinany sy ny fiakarany dia ahazoana ny [renifeo kentsona tapany] :
(3)a [kentsona] : [m, n, ?]
(3)b [ambava] : [b, d, g, p, t, k, f, s, h, dr, tr, dz, ts]
(3)d [kentsona tapany] :[mb, nd, ?g, ndr, ndz ; mp, nt, ?k, ntr, nts]
(3)e [ambava][a, e, i, u, o, ai, au, , ui, iu, ia ua, eu…]

Marihina fa –1) ny « fikentson »’ny renifeo [kentsona tapany tsy migoboka], noho ny 2« figobony » malefaka sady fohy kokoa dia manamora ny tsy mahavoatonona azy ka mahatonga azy ho [renifeo ambava] noho ny « fanahafany (?) » ny feo [ambava tsy migoboka] manaraka azy : [m°?(p)>p, n°?(t)>t, … n°?(ts)>ts, …] ; misy vokany eo amin’ny asa fanavahana izany fiovan’ny fikentsona izany: /’antitra?’atitra/> « be taona?fitaomana » > /’atitra=’atitra/ ;/i’nti?i’ti/ « manolotra? manondro » > /i’ti=i’ti/

2) ny zanapeo tsotra sy ny zanapeo sosona dia [ambava] ; noho ny « fanahafana mihemotra (?)», dia [mikentsona] eo [alohan]’ny renifeo [kentsona] na [kentsona tapany] izy ireo:

[a?m>ãm, u??g>u?g, e?nt>?nt ; a?mb>ãmb, u??g>u?g), e?nt>?nt] ;
tsy misy fiantraikany amin’ny asa fanavahana ny « fikentsonana manara-poana » amin’ny zanapeo toy izany.
2.1.3. Ny toetry ny feon-teny eo amin’ny mpihazaka fari-panononana
2.1.3.1. Ny fari-panononan’ny renifeo
Ny atao hoe fari-panononana dia izay « toerana mahavoasakantsakana » be indrindra ny lalan’ny rivotra , ka ny toetra amin’ ny fari-panononana dia faritana araka ny anaran’ny « taova misakantsakana » ;

-1)ao ny toetra voafaritry ny taova ambony : tadim-peo, lanilany malemy, lanilany mafy, hihy (ankanjo-nify sy ny faritra marokoroko eo ambaniny manaraka azy), nify (nify eo anoloana atao hoe andrianify), molotra ambony :
(4)a [antraoka]:[h, ( ?)] ; [andanilany malemy] : [g, k, ?g, ?k, ?, (w)] ; [andanilany mafy] : [(j), (?), ( ?)…] ; [ankihy] : [n, l, r, tr, dr, ts, dz, ntr, ndr, nts, ndz] ; [anify] :[d, t, v, f] ; [amolotra] : [b, p, m, mb, mp]

2) ny toetra voafaritry ny taova ambany dia ny tranon-tadi-peo sy ny vatan-dela indrindra ary ny molotra ambany: (4)b [antadim-peo] :[h, (?)] ; [ambohon-dela] : [g, k, ?g, ?k, (w), (j), (?), (?)…] ; [antendron-dela] : [d, t, n, l, r, s, tr, dr, ts, dz, ntr , ndr, nts, ndz], [amolotra] :[v, f, b, p, m, mb,

3) ao koa ny toetra faritan’ny taova ambany sy ambony « miaraka » :
(4)d [amolotra roa] : [b, p, m, mb, mp] ; [amolotra sy anify] :[v, f] ; [antendron-dela sy anify] : [d, t, nt, nd ] ; [antendron-dela sy an-kihy] : [n, l, r, tr, dr, ts, dz, ntr, ndr, nts, ndz, s, z ] ; [ambohon- dela sy am-parahihy na andohalanilany] :[(s, z)] ; [ ambohon-dela sy andanilaniny mafy] :[?, (j), (? )…] ; [ambohon-dela sy andanilany malemy] : [g, k, ?, ?g, ?k ] ; [antranon-tadim-peo] : [h, ( ? )].
Marihina
-1) fa, araka ny « fifanarahana raikitra », ao amin’ny (4)d dia ny toetra amin’ny fari-panononana ambany no tononina « alohan »’ny an’ny fari-panononana ambony ;
-2) ny feo natao anaty fonon-teny (…) dia fanovan-kasimpeo (afa-tsy ny ( ?) izay hasim-peo, tokan-karazana, zanateny mampiankina fameno any amin’ny fiteny malagasy any amin’ny farany atsimo.) -4), farany, ireo toetra maro, hentitra antsipiriany, araka ny fari-panononana ao amin ‘ny (4)a sy (4)d dia « tsorina » ho toeram-panononana telo izay ampy, raha « ampiarahina » amin’ny toetra ara-pisokatra (cf. §3.3.3.), mba hamaritana tsara ny toetra araka anjara asan’ny feon-teny:
(4)e Toeram-panononana [aloha(amolotra roa sy amolotra anify)] : [b, p, m, mp, mb, f v] ; toeram-panononana [antenantenany(anify sy ankihy)] : [d, t, n, l, r, s, tr, dr, ts, dz, nts, ndz, …] toeram-panononana [afara(andanilany sy antraoka)] : [?, ?, ?k, g, ?, ?k, ?g, h, ( ?)…]

2.1.3.2. Ny fari-panononan’ny zanapeo

Amin’ny fari-panononana ny renifeo , ny taova « misakantsakana » ny lalan’ny rivotra dia « mifampikasika » na « mifanatona » akaiky dia akaiky ;voafaritra tsara izany ny taovam-panononana mamaritra ny fari-panononana amin’ny renifeo; amin’ny zana-peo kosa dia « malalaka » ny elanelana eo amin’ny taova ambony sy ambany, ka tsy ahalalana tsara ny faritra marina mahavoasakana ny lalan’ny rivotra ;noho izany dia zaraina faritra telo malaladalaka ny fari-panononana amin’ny zanapeo, toy ny ao amin’ny (4)d ; raha ny marina dia ny hetsiky ny lela marindrano araka ny toerana misy azy ao anaty vava no mamaritra ny fari-panononan’ny zanapeo :
(4)f [aloha] : [i, e, (e )] ; [anivo] : [a, ( a )] ; [afara] : [u, o, ( ? )].
Marihina fa amin’ny lanilany mafy sy malemy daholo no faritra anononana ny zanapeo ; ary ireo toeram-panononana telo ireo dia ampy tsara « hampiavahana » ny toetrany rehefa « ampiarahina » amin’ny toetra ara-pisokatra. Ny feo anaty fonon-teny dia fanova ara-paritra na ara-panahafana. Ny zanapeo anaty fonon-teny (…) dia fanova isan’olona na isam-paritra , na koa fanova ara-tsinjara toerana amin’ny fiteny malagasy any avaratra.

2.1.3.3. Ny fari-panononana eo amin’ny zanapeo sosona

Faritana tahaka ny amin’ny lefa fitatitra amin’ny matematika ny fari-panononana ny zanapeo sosona ka heverina ho toy ny « fiofoka » misy fitodiky ny zanapeo tsotra izy ireo, ary ny hetsiky ny lela miroso na mihemotra no mamaritra izany :
-1) Ny fitodika :
(4)g [miroso] : [ei, ai, ui, ua] ; [mihemotra] : [ia, eu, au, ea, iu] Marihina fa ny zanapeo sosona mira toetra toy ny amin’ny mpanondro amin’ny fiteny farany atsimo [ii, uu] dia lazaina hoe miafitra noho ny tsy fisian’ny hetsiky ny lela firy.

-2) Ny lanja :
Ny elanelana vokatry ny hetsiky ny lela mandroso na mihemotra no mamaritra ny lanja : (4)h [farany be] : [iu, ui] ; [saika be] : [eu] ; [antenantenany]: [ai, ia, au, ua] ; [farany kely] : [ei, ea] ; [aotra] : [ii, uu]

2.1.4. Ny toetry ny feon-teny araka ny mpihazaka fisokatra

Ny toetra eo amin’ ny mpihazaka fisokatra dia faritan’ny « elanelana » eo amin’ny taovam-panononana :
- « elanelana » « tsy misy» (ø) na « tery dia tery » amin’ny renifeo, ary « elanelana malalaka » kokoa amin’ny zanapeo.

2.1.4.1. Ny fisokatry ny renifeo

Misy zana-pihazaka « telo » azo « amaritana » ny fisokatra dia ny : –.fomba fisakana amin’ny taova, -fomba fivoaky ny rivotra, -faharitra. Ny « fifampikasihana » na ny « fifanatonana akaiky » eo amin’ny taova roa :ny tadim-peo roa, na ny faritra ambony ao anaty vava sy ny lela, na koa ny molotra roa no mamaritra ny fahasamihafan’ny fisokatra eo amin’ny renifeo ; -1) « mifampikasika » ny taova ka mampikatona ny lalan’ny rivotra ary « misakana tanteraka » ny fivoaky ny rivotra mandritra ny fotoana fohy (ampahafolon-tsegondra vitsy) izay vao « misaraka tampoka » ka mampisy fipoahana eo amin’ny fivoaky ny rivotra ; fisokatra tsy azo tazonina ela izany fa « miserana » fotsiny amin’ny faharitra: [mikatona], [mipoaka] na [tsy maharitra] ny toetry ny renifeo araka izany :
(5)a [mikatona, mipoaka, tsy maharitra] : [p, t, k, b, d, g, ( ?) ; mp, nt, ?k, mb, nd, ?g ; m, n, ?] Marihina fa « mafy » kokoa ny fipoahana amin’ny « zana-bondrona » [ambava tsy migoboka][p, t, k, …]satria amin’ny vava daholo no « mandalo » sy « mivoaka » ny rivotra, « malefadefaka kokoa » amin’ny « zana-bondrona »[ambava migoboka] satria « mihena » ny tsindrin’ny rivotra « mivoaka » noho ny « fipararetan »’ny tadim-peo ; « malefaka » kokoa amin’ny « zana-bondrona » [kentsona] [m, n, ?] satria misy rivotra « mivoaka » koa any amin’ny orona ary misy « fipararetan »’ny tadim-peo ka « mampihena » ny tsindry amin’ny fipoahana.

-2) « mifanatona akaiky dia akaiky » ny taova fa « tsy mifampikasika » ; « tery » izany ny lalan’ny rivotra ka azo atao hoe [mitafitafy] ny lalana ivoahan’ny rivotra ; miteraka « fikasohana » ny fivoaky ny rivotra eo amin’ny « elanelana tery » amin’ny taova, ary azo tazonina [maharitra] izany fisokatra izany raha « miserana » fotsiny izany amin’ny fikatona : (5)b [mitafitafy, mikasoka, maharitra] :[f, s, h, v, z]

-3) « mandray roa » ny fisokatry ny renifeo raha « mikatona » ny tapany voalohany amin’ny feo ary « mitafitafy » ny tapany faharoa ; « tsy fipoahana » izany no ateraky ny fivoaky ny rivotra fa fikasaohana mafy lavitra noho ny fikasohana amin’ny renifeo [mitafitafy mikasoka] ary tsy azo tazonina « maharitra » izany fikatona tapany izany : (5)d [mikatona tapany, mikasaoka, tsy maharitra] : [ts, dz, tr, dr, nts, ndz, ntr, ndr]

-4) misy renifeo roa lazain’ny mpahay rafi-peo taloha hoe « tsy milahatra » izay misy fisokatra manokana ; ny feo [l] dia misy fikatona eo anivon’ny lela ( eo amin’ny lohalela sy ny hihy) kanefa misy fitafitafy amin’ny « sisin »’ny lela (amin’ny andaniny roa), ary ny vokatr’io fisokatra « mandray roa » io dia fipoaka « malefaka » eo anivon-dela ary fikasoka « malefaka » amin’ny laniny roa amin’ny lela; ny feo [r] kosa dia misy fikatona sy fitafitafy « mifandimby » ary « miverimberina haingana » ka miteraka fihovitra eo amin’ny lohalela ; samy azo tazonina [maharitra] ireo karazana fisokatra roa farany ireo.

(5)e [andanilela] : [l] ; [mihovitra] : [r] Marihina fa azo « tsorina » ho « roa » ihany ireo sokaji-pisokatra « efatra » ireo ary manamarina izany ny « lalànan’ny fiovana momba ny fanakambanana » izay « mitovy » ho an’ny sokajy (5)a sy (5)d andaniny ary ho an’ny sokajy (5)b sy (5)e ankilany ; koa raha tsy mila famaritana hentitra ara-peo, indrindra amin’ny tsikera fiendrika (cf.§4.1.) dia azo lazaina ho [mikatona tsy maharitra] ny sokajy voalohany ary [mitafitafy maharitra] kosa ny sokajy faharoa : (5)f [mikatona tsy maharitra] : [p, t, k, b, d, g… ; tr, ts, dr, dz… ] [mitafitafy maharitra] : [f, s, h, v, z ; l, r]

2.1.4.2. Ny fisokatry ny zanapeo

Araka ny voalaza tetsy aloha, dia « malalaka » kokoa ny « elanelana » eo amin’ny taova amin’ny fanononana ny zanapeo, koa « ambaratongam »-pisokatra no amaritana ny fisokatra fa tsy amin’ny alalan’ny taova: ao ny ambaratonga « farany kely » [mikombona], ny « farany lehibe » [misokatra] ary ny « antenantenany » [mikombona tapany] na [misokatra tapany] : (5)g [mikombona] : [i, u] ; [mikombona tapany] :[e, o] ; [misokatra tapany] : [(e, ?)] ; [misokatra] : [a]

2.1.4.3.Ny fisokatry ny zanapeo sosona

Araka ny voalaza tetsy amin’ny § 2.1.3.3.dia ny lefa fitarika amin’ny matematika no amaritana koa ny fitodika sy ny lanja amin’ ny fisokatry ny zanapeo sosona noho izy misy « hetsika miova » eo am-panononana : misy fisokatra [misonga] na [mirorona] araka ny « fihabetsaka » na « fihakeliny » : (5)h [misonga] :[ia, ua, ea, iu] ; [mirorona] :[ai, au, eu, ei, ui] Marihina fa somary « mihoatra kely » ny fisokatry ny feo [u] noho ny an’ny [i] ka izany no iheverana azy ho toy ny misy « fiovana kely » ao amin’ny zanapeo sosona ; kanefa azo heverina ho [miafitra] koa izy ireo satria samy farany mikombona amin’ny sokajy misy azy avy amin’ny zanapeo aloha na aoriana.

2.1.5 Ny mpihazaka zanany sy ny trangam-peo sasany « manova » ny toetra fototry ny feon-teny

Lazaina ho mpihazaka zanany ny « mpamaritra manova » ny toetra fototra izay nofaritan’ny mpihazaka reniny ; toy izany ohatra ny fimolotra izay « manova » ny toetra fototra efa « voafaritra » tamin’ny mpihazaka fari-panononana, na ny marimarina kokoa « manampy » toetra vaovao. Ny fimolotra amin’ny zanapeo [u, o] sy ny renifeo [s~š, z~ž] Amin’ny teny sasany toy ny teny frantsay dia misy ny mpihazaka fimolotra faritan’ny hetsika marindrano amin’ ny molotra izay « mifanohitra » amin’ny hetsika mijidin’ny molotra amin’ny mpihazaka fisokatra ( ohatra ny « fifanatonan »’ny molotra roa amin’ny [b, p, m] [mikatona]).

Ny fimolotra amin’ny zanapeo [u, o] malagasy
Amin’ny mpihazaka fimolotra dia misy fanavahana ny feo « ihemoran »’ny molotra [misintona] toy ny amin’ny [i, e, e] amin’ny teny frantsay, na « irosoan »’ny molotra [miroso] amin’ny [y, ø, œ ; u, o, ?] ; manavaka hasin-teny ireo toetra araka ny fimolotra [misintona? miroso] amin’ny zanapeo aloha ireo amin’ny teny frantsay ; tsy manavaka kosa ny toetra [miroso] amin’ny zanapeo frantsay afara satria toetra manara-poana ny zanapeo afara [u, o, ?] ; toy izany koa amin’ny [u, o] malagasy izay misy « firoso kely» kanefa tsy afaka manavaka ny mampiroso na tsia azy satria toetra manara-poana ny singan-toetra [afara]

Ny fimolotra amin’ny renifeo [s>š, z>ž]
Amin’ny teny frantsay koa, dia [miroso] ny molotra eo am-panononana ny feo [š, ž] sady [misoka] ary « mifamaly » amin’ny [s, z] [misintona] sady [misioka] ary manavaka hasin-teny izany « fifamaliana » izany. Amin’ny teny malagasy dia mety « miovaova » araka ny olona sy ny faritra ny [misioka] na [misoka] amin’ny [s, z], [misioka] kokoa ohatra amin’ny fiteny merina ary [misoka] kokoa amin’ny fiteny betsileo, kanefa tsy manavaka ny « fiovana » ; marihina fa amin’ny fiteny betsileo, ny [misioka mikasaoka] dia « mifamaly » amin’ny [misoka mikasoka] : [ts>s ? š] toy ny amin’ny /’tsa?gi >’sa?gi ? ‘ša?gi/ « fomba fitotoam-bary »? « vazivazy » ; marihina fa ny fanononana [misoka] amin’ny fiteny betsileo na fiteny atsimo atsinana dia tsy misy firosoan’ny molotra toy ny amin’ny teny frantsay. Trangam-peo sasany « manova » ny toetra fototra
Misy trangam-peo « manova » ny toetra fototry ny feo . Anisan’izany :

-ny « firenen »’ny zanapeo [mikombona] miova ho [renifeo tapany] na [zanapeo tapany] eo alohan’ny zanapeo voatsindry : [i’a> j’a ; u’a>w’a]
-ny « fizanahan »’ny renifeo [r, l, m, n] misy zanapeo tsy voatsindry « milatsaka » eo aorianany : [‘tuluna>’tulla>’tu’l ; ’turi>’tu’r] ;[‘tamini>’tammi>[‘ta’m] : lasa misy tampom-banin-teny toy ny zanapeo.
-ny fimoloran’ny renifeo aorian’ny [u>w] : [tu’avina>’twavina, gu’ahina>’gwahina]
-ny filanilanian’ny renifeo aorianan’ny [i>j] : [ti’avina>’tjavina, [ki’ahina>’kjahina], [ni ‘uluna> nj’ulla> ‘?ulla]

2.2. Ny feon-teny ao amin’ny haifeo ara-panonja

Ny amaritana ny toetra eto dia amin’ny mahaonjam-peo ny feon-teny. Toy ny « feo » rehetra dinihin’ny « haifeo ankapobeny » ny feon-teny ka ny mpihazaka telo : « fahatetika », « tsindry » sy « fotoana » no amaritana ny toetrany.

2.2.1.Ny toetry ny zanapeo sy ny renifeo ara-panonja

Amin’ny ankapobeny, ny « mampiavaka » ny zanapeo sy ny renifeo dia ny fimiran’ny fiherin’ny onja eo amin’ny zanapeo ary ny tsy fimirany amin’ny renifeo ;eo amin’ny sori-biloka sy ny soritra alok’onja , dia hita « miavaka » tsara ny fimiran’ny fiherin’ny onja miverina mitovy hatrany amin’ny zanapeo, tsy hita kosa izany amin’ny renifeo ; izany no « mampiavaka » ny zanapeo [mira fiherina] sy ny renifeo [tsy mira fiherina] ; ny renifeo [kentsona] [m, n, ?] sy ny [l, r] anefa dia ahitana soritra [mira fiherina] toy ny zanapeo koa ary izany no ahazoany mitana ny toerana tendrom-banin-teny toy ny zanapeo (cf.§2.1.5.). Onjam-peo fototra sy zanak’onjam-peo maromaro no « mamorona » ny feo ; misy rindra » hentitra » hatrany ny « fifandraisan » ’ny onjam-peo fototra sy ny zanak’onjam-peo amin’ny zanapeo, rindra izay midika ho zara raikitra (toy ny amin’ny mozika :5/4=1, 25 ho an’ny « fahatelo abo », 3/2=1, 50 ho an’ny « fahadimy abo » ) vokatry ny « fizarana » ny fahatetiky ny onja fototra amin’ny fahatetiky ny onja zanany ; tsy misy io rindra io kosa ny « fifandraisan »’ny onja fototra sy ny zanany amin’ny renifeo ; lazaina fa [rindram-peo] ny zanapeo noho izany, ary [korontam-peo] ny renifeo. Zanapeo :[mira fiherina, rindram-peo, tampom-banin-teny] Renifeo : [tsy mira fiherina, korontam-peo, tsy tampom-banin- teny (afatsy amin’ireo renifeo [migoboka ho azy indrindray)]

2.2.2. Ny fahatetika na ny fahaabo amin’ny feon-teny

2.2.2.1. Amin’ny filatsy :tsindrim-peo sy lantom-peo

Ny fahatetiky ny onja fototra, izany hoe ny « isan »’ny fiheriny « mandritra ny segondra iray », no mamaritra ny fahaabo (fisonga na firorona) ary amin’ny tsindrim-peo sy ny lantom-peo no tena « iovaovany » ka ahazoany manavaka ny hasin-teny ho an’ny tsindry ary manavaka ny karazan-tarika na fehezan-teny ho an’ny lanto. (cf.§4.2.)

2.2.2.2. Amin’ny zanapeo
Ny toetry ny zanak’onja no « mamaritra » ny toetry ny zanapeo.Amin’ny soritr’aloka dia misy tambatr’aloka « mitsinjara » amin’ny toerana manokana amin’ny « fivelaran »’ny fahatetika ; famorona no iantsoana ireny tambatr’aloka ireny ka ny « fitsinjaran »’ny famorona I sy II ( roa voalohany manaraka ny onja fototra) indrindra no « ampiavahana » ny toetry ny zanapeo tsirairay. Ny fahaabo Raha mateti-piherina ny tambatr’onja amin’ny famorona I dia lazaina fa [filo] ny zanapeo [i, e] ahitana izany, ary [dombo] kosa raha [mahalam-piherina] toy ny hita amin’ny zanapeo [a, o, u] :
(5)i zanapeo [i, e] : [mateti-piherina, filo]
[a, o, u] :[mahalam-piherina, dombo]
Marihina fa ny toetra voalohany ([matetika na mahalam-piherina]) dia toetra ara-panonja fa toetra ara-pandraisana kosa ny faharoa ([filo na dombo]).

Ny fitambatra
Raha « mitokana » ery ambony na ety ambany amin’ny soritr’aloka ny famorona I sy/na II dia lazaina fa [miparitaka] toy ny amin’ny zanapeo [i, e, o, u]; ary raha « mitambatra » eo anivon’ny soritr’aloka kosa ny famorona I sy II dia [mitambatra] no ilazana ny toetry ny zanapeo toy ny [a, (?, ?)] (5)j zanapeo [i, e, o, u] : [miparitaka] [a, (e, ?)] : [mitambatra]

2.2.2.2. Amin’ny renifeo

Toy ny amin’ny zanapeo no amaritana ara-panonja ny renifeo araka ny « fitsinjaran »’ny famorona amin’ny soritr’aloka na dia « manjavozavo » kokoa aza ny famorona amin’ny soritr’aloka noho ny mahaonja [mikorontana] azy (cf.2.2.1.) (5)k renifeo [aloha] :[b, p, v, f, m…] : [dombo , miparitaka] [antenantenany] : [d, t, n, z, s, n, l, r, ts, tr, ntr, nts…] :[filo, miparitaka] [afara] : [g, k, ?, ?g, ?k, h] : [dombo, mitambatra]

2.2.2.3.Amin’ny zanapeo sosona

Araka ny lefa fitatitra dia azo « faritana » ara-panonja toy ny singa misy hetsika koa ny zanapeo sosona, ka avahana amin’izany ireo izay misy fahatetika [misonga] na [mirorona] :
(5)k zanapeo sosona [misonga, mihafilo] :[ai, ui, ua, …] [mirorona, mihadombo] : [ia, iu, au, eu…] Nisy ezaka natao, araka ny hita ao amin’ny §§2.1. sy 2.2., « hampifandraisana » ny toetra amin’ny lafiny taova sy ara-panonja na dia mbola misy lafiny « manjavozavo » ihany aza ao amin’ny haifeo-teny ; koa na dia efa azo atao tsara aza ny « mamaritra » ny toetry ny feo amin’ny lafiny fanonja dia ny lafiny taova ihany no tena mahazatra ny mpahay teny ary izany koa no ataonay amin’ity famelabelarana ity.

3- Ny lafin’ny feon-teny ao amin’ny rafi-peo

Ireo taranja haifeo telo ireo dia ahafantarana « marina » tsara araka izay azo atao ny singan-toetry ny feo ; maro (ary mety ho am-polony aza) ny isan’ny singan-toetra « marina » ananan’ny feo tsirairay amin’ny « mahaakora » azy.
Tsy mihoatra ny efatra na dimy anefa, -ary misy ny lefa lôgy ikajiana « marina » ny isa ilaina-, amin’ny ankapobeny ny isan’ny singan-toetry ny feo tsirairay ilaina rehefa « trandrahina » amin’ny « fampiasana » azy ka amaritana ny « fiasany » ao amin’ny rafi-teny.Tsy feo intsony no ilazana azy rehefa mandinika ny « fiasany » fa hasim-peo, ary taranja na ambaratongan-tsikera rafi-peo no isahanana izany.
Ny fandinihana ny « fiasan »’ny feo amin’ny rafi-peo dia manaraka « firehana » samihafa ; ohatra amin’izany :
1-ny rafi-peo ara-pianahana izay miezaka mamantatra ny lalàna ao amin’ny ambaratonga rafi-peo mba hahazoana « mananaka » (araka ny heviny amin’ny matematika :« mamaritra » sady « mamorona » ara-pitsipika) ireo lalàna mifehy ny fiovan’ny feo raha miainga amin’ny « endrika ivelany amin’ny fehezan-teny » mandrapahatonga amin’ny « fanononana » azy, ka ny fitsipika fiofohana indrindra no kendrena anasongadinana an’izany ;

2-ny rafi-peo ara-tsijara toerana, mifototra indrindra amin’ny lafiny tarika (izay ambaran’ ny fisesin’ny singa afaka « mifamadi-toerana » ao amin’ny lahateny) ka manakatra ny fitsinjaran’ny hasim-peo sy ny toetrany araka ny toerana mety hisy azy ao amin’ny tarika ;

3- ny rafi-peo araka anjara asa, mifototra indrindra amin’ny lafiny karazana (izay ambaran’ny singa « mitovy » tsinjara toerana, afaka « mifanolo » ao amin’ny lahateny) ka mampivoitra ny anjara asan’ny hasim-peo sy ny toetrany, indrindra eo amin’ny asa famoronana sy fanavahana ny hasin-teny.
3.1. Ny feon-teny ao amin’ny rafi-teny ankapobeny
Tsara raha faritana aloha ny « anjara toerana » na ny « ambaratonga » idirana na iasan’ny feon-teny ao amin’ny rafi-teny ankapobeny.

3.1.1.Ny feon-teny ao amin’ny rafi-teny misy fitononana
Araka an’i MARTINET, dia tsy « bambaray » ny teny fampiasan’ny olona rehefa miteny fa mitonona indroa miantoana, izany hoe ny lahateny na ny fehezan-teny, izay feo « maromaro mifanesy mitambabe », dia mitonona ; toy ny « tongotra » ohatra: na dia « rantsambatana iray » ihany aza dia misy « tonony » sy « vaniny », ka mizara voalohany ho singa « felan-tongotra », « ranjo » sy « fe », ary iretsy singa iretsy dia mbola mizara fanindroany ho singa « taolana madinika » na dia « mifampitohy » ho « zana-drantsana » iray ihany aza.

3.1.1.1. Fitononana I
Amin’ny rafi-teny, ny fitononana voalohany dia ahafahana « mamantatra » sy « manasaraka » ireo « singa fototra » atao hoe hasin-teny izay sady misy mpanamarika (ny endriky ny hasin-teny mamorona azy) sy marihina (ny hevitra raiketin’ny « vondronam-peo » mamorona azy) .

3.1.1.2. Fitononana II
Ny fitononana faharoa kosa dia ahitana ny « singa fototra » atao hoe hasim-peo izay « tsy misy hevitra ambarany » fa misy « endrika isehoany », dia ny singan-toetry ny feo ahazoany mitana anjara asa ao amin’ny hasin-teny misy azy . Toy izany ohatra amin’ny fehezan-teny tenenina (3) « voatonona » misesy tsy an-kiato hatramin’ny voalohany ka hatramin’ny farany rehefa miteny andavanandro :
-Fitononana I :
(3) /naha’lavui’hanini’faha’valunirira’butu/ nalavo ihany ny fahavalony ry Rakoto ny fehezan-teny (3) dia « bambaray » ara-peo kanefa mitonona (mizara) ho hasin-teny maro araka ny hita ao amin’ny (4) : (4) /n-aha-‘lavu-i’hani-ni-faha’valu-ni-ri-ra-‘butu/ 1 2 3 4 5 6 7 8 9 10 Hasin-teny folo misy « heviny » (marihina) tsirairay no ao amin’io fehezan-teny io ; « hevitra am-pehezan-teny » toy ny an’ny hasin-teny1 /n/ milaza « fotoana lasa » mifamaly amin’ny /m/ « fotoana ankehitriny » ; hasin-teny2 /aha/ milaza « faneho efa » mifamaly amin’ny /an/ « faneho tsy efa », na « hevitra an-drakibolana » toy ny an’ny hasin-teny3 /’lavu/ « voazera », hasin-teny6 /faha’valu/ « mpifanandrina », hasin-teny10 /’butu/ « anarantsamirery »…

-Fitononana II :
Ireo hasin-teny folo ao amin’ny (3) sy (4) dia hasim-peo iray na maro no mpanamarika azy tsirairay avy ka ireo hasim-peo ireo no « maneho » ety ivelany ny endrika isehoany : Hasin-teny 1 2 3 1O /n/, /a-h-a/, /l-a-v-u/, …/b-u-t-u/ Hasim-peo 1 1 2 3 1 2 3 4 1 2 3 4 Hita fa ny hasin-teny1 /n/ dia hasim-peo iray no manamarika azy, ny hasin-teny2 /a-h-a/ : hasim-peo telo, ny hasin-teny3 /l-a-v-u/ : hasim-peo efatra, ny hasin-teny1O /b-u-t-u/ : hasim-peo efatra. Tsapa araka izany fa mitonona indroa miatoana ny fehezan-teny (3) : « mitonona » voalohany ho hasin-teny folo ary mitonona faharoa ho hasim-peo iray, roa telo… ka hatramin’ny valo ny hasin-teny tsirairay ao.

3.1.2. Anjara asa fototry ny hasim-peo :asa fanavahana ara-tarika sy ara-karazana

Anjara asa fototra roa indrindra no sahanin’ny hasim-peo, dia ny asa famoronana mifameno amin’ny asa fanavahana :
-ny asa famoronana dia asehon’ny fikambanan’ny hasim-peo (singam-peo ) iray na maro « hamorona » hasin-teny ( vondrona feo mifanesy» ), izany hoe na inona na inona hasin-teny dia hasim-peo 0, 1, 2, 3 na mihoatra no « mivondrona » hamorona azy (araka ny teôrian’ny vondrona).

-ny asa fanavahana dia ahazoana manome mpanamarika (endrika) manokana ny hasin-teny tsirairay, samy hafa marihina (hevitra), mba hananany « endrika » manokana tsy hampifangaro « fiseho » azy amin’ny hasin-teny hafa ; araka izay voalaza izay, hasim-peo mitambatra ka mamorona hasin-teny no mpanamarika manokana eto : manokana satria ny filaharany ao anaty tarika sy/na ny singan-toetra miavaka ao amin’ny karazana no « manavaka » ny mpanamariky ny hasin-teny tsirairay.
Misy araka izany asa fanavahana roa :
3.1.2.1.Ny asa fanavahana ara-tarika
Ny asa fanavahana ara-tarika (antsoina ihany koa hoe asa fiharika) dia azo anavahana ny mpanamariky ny hasin-teny amin’ny alalan’ny « isa » sy/na ny « filahatry » ny hasim-peo eo amin’ny lafiny iray tarika ; ohatra ao amin’ny hasin-teny 3 dia « milahatra » toy izao ny hasim-peo efatra ao anatiny :
/l-a-v-u/ ; ny « fampifamadihana toerana » azy efatra na ny fanovana ny « isan’ »ny hasim-peo ampiasaina (4>3>2>1) dia ahazoana hasin-teny vaovao hatrany, samy hafa mpanamarika (tsy mitovy « isa » sy/na « filahatra » eo amin’ny hasim-peo) sy marihina (tsy mitovy « hevitra ») :
(6) /l-a-v-u/ ? /v-u-l-a/?/v-a-l-u /? /l-u-v-a/? /a-v-u/ ?
1 2 3 4 3 4 1 2 3 2 1 4 1 4 3 2 2 3 4
“voazara” “fitaovan-takalo” “isa” “harena” “ambony”
?/l-u/?/l-a/…
1 4 1 2
« simba » « tsy fanekena »
Tsapa amin’ireo ohatra ireo fa ny fiovan’ny « filahatry » ny hasim-peo tsy miova karazana sy/na ny fiovan’ny « isan’ »ny hasim-peo mitambatra (izany hoe ny « halavan »’ny hasim-teny) dia mamorona hasin-teny vaovao hatrany tsy mitovy mpanamarika sy marihina.

3.1.2.2. Ny asa fanavahana ara-karazana

Ny asa fanavahana ara-karazana indray dia ahazoana « manavaka » ny mpanamariky ny hasin-teny amin’ny alalan’ny « fifanoloan’ »ny hasim-peo iray tarika eo amin’ny lafiny iray karazana. Ohatra ao amin’ny hasin-teny3 /lavu/, raha ny hasim-peo1 ampifanoloana, eo alohan’ny tarika /-avu/, amin’ny hasim-peo iray karazana aminy toy ny /h, m, r/ dia ahazoana hasin-teny vaovao samy hafa mpanamarika sy marihina :
(10) /l/ (? /’lavu/)? /m, r, z/ ? /’lavu/?/’mavu/?/’ravu/?/’zavu/ « mianjera »? »maloto »? »faly »? « tsy mazava » Ny singan-toe-peo toy ny [andanilela] ao amin’ny [l], [kentsona amolotra] ao amin’ny [m], [mitafitafy ankihy migoboka] ao amin’ny [z] no « iavahan »’ireo hasim-peo efatra ireo amin’ny hasim-peo hafa iray karazana aminy ka ahafahany mitana ny asa fanavahany ny hasin-teny.
Ireo anjara asa fanavahana ara-tarika sy ara-karazana roa ireo no tena asa fototra iandraiketan’ny feon-teny.

3.2. Famantarana ny isa sy ny sokajin’ny hasim-peo

Amin’ny teôrian’ny vondrona, ny vondrona dia tsy azo « faritana » raha tsy –1) »fantatra » ny singa ary ny sokajin-tsinga ao aminy (famaritana mivelatra na mitanisa) –2) efa « mivoitra » ny fifandraisana misy amin’ny singa (fifandraisana « mampitovy » na « mampiavaka » ny toetra amin’ny samy singa ao anaty vondrona ahazoana manao ny famaritana mamintina), dia toy izany koa ny « famaritana » ny rafi-peo izay
–1) « amantarana » mialoha ny singa sy ny sokajin-tsinga ao aminy dia ny hasim-peo sy ny sokajiny izany, ary
–2) « amantarana » ny toetra ara-drafitra ahazoan’ny hasim-peo mitana ny anjara asany ao amin’ny rafi-peo ka ny fifandraisana (antsoina ihany koa hoe fifamaliana) no « ampivoirana » izany ; araka izany « fomba famaritana » ny rafi-peo izany, dia rafi-peo ara-drafitra na araka anjara asa no « irehana » eto.
Ny fomba famantarana ny hasim-peo miasa ao amin’ny rafi-peo izany dia « mifototra » amin’ny asa fanavahana sy famoronana hasin-teny ; ao anaty manandroana hasin-teny farany kely (na manantelo, mananefatra na mihoatra) ; farany kely, izany hoe tsy ahitana « fahasamihafana » afatsy tokana ; azo antoka fa hasim-peo ilay « singan-toe-peo tokana mampiavaka » ny hasin-teny mifamaly (misy « fahasamihafana » eo amin’ny mpanamarika sy marihina) :
(7)a /’tana?‘bana?‘dana?‘fana?‘gana?‘hana?‘mana?‘nana? ‘rana?‘sana?‘ vana/ ? ?Ro :/t, b, d, f, g, h, m, n, r, s, v/
/’tuna?’tina?’tena?’tana?’tauna?’tuana?’tiana?’taina?’tiuna?’tuina/? ?Zo :/u, i, e, a, au, ua, ia, ai, iu, ui/
/’tana?’taba?’tafa?’taha?’tara?’tata?’tava/ ?R1:/n, b, f, h, r, t, v/
/’tana? Ø/? R2:/a/

Marihina fa ao amin’ny raikipohy (7)a, dia sokajina hasim-peo ara-tsinjara toerana no « marihina » amin’ny Ro, R1, R2 izay milaza ireo sokajina renifeo Ro=[voatsindry], R1=[ ao amin’ny vanin-teny « voalohany » aorianan’ny tsindry], R2=[ao amin’ny vanin-teny « faharoa » aorianan’ny tsindry] ; ny Zo, Z1, Z2 dia milaza ny zanapeo Zo=[voatsindry], Z1=[ao amin’ny vanin-teny « voalohany » aorianan’ny tsindry], Z2= [ao amin’ny vanin-teny [« faharoa » aorianan’ny tsindry] ; ny renifeo sy zanapeo [« voalohany »], [« faharoa »], [« fahatelo »]…[ alohan’ny tsindry]… dia marihina R-1, R-2, R-3… ; Z-1, Z-2, Z-3…

Dingana voalohany ny famantarana ny hasim-peo ao amin’ny (7)a, fa tohizana toy izany amin’ny alalan’ny « fisedrana » araka anjara asa toy ny eo ambony (mampiasa manandroa (na mihoatra) farany kely na saika manandroa), na amin’ny alalan’ny « fisedrana » ara-tsinjara toerana (mampiasa fifanoloana isan-tsokajin-tarika) mandra-pahitana ny hasim-peo « rehetra » amin’ny sokajy « rehetra » .

Anisan’ny « mamaritra » ny sokajina hasim-peo « hentitra » kokoa ny « fanehoana » ny sokajy ara-pilaharana :
[manomboka] :R-, Z- ; [anelanelana (ara-tarika)] : -R-, -Z- ; [mamarana] : *-R(tsy misy amin’ny rafi-teny malagasy), -Z ; ny « fampitambarana » ny sokajy ara-tsinjara toerana « mifototra » araka ny « toerana » misy ny tsindri-peo( toy ny Zo, Z1, Z2…) sy ny sokajy ara-pilaharana (toy ny Z-, -Z-, -Z…) dia « mahahentitra » kokoa ny « famaritana » ny sokajina hasim-peo mety ho hita isan-tsinjara toerana, satria « tsy mitovy » fitsinjara izy ireo ao amin’ny tarika .
Rehefa vita ireo « fisedrana » rehetra ireo dia toy izao ny fitanisana ny hasim-peo mety ho hita raha « atambatra » (toy ny amin’ny vondrona amin’ny kajy) daholo ireo sokajy sy zana-tsokajy :
3.2.1. Ny renifeo sy ny sokajy « itsinjarany » ara-tarika

(7)d Sokajy ben’ny renifeo : {… R-3- … U -R-1-, U -Ro- U Ro- U -R1- U -R2-}= R (renifeo rehetra) Marihina fa ny marika U dia milaza « fampitambarana » ao amin’ny vondrona, « fampitambarana » tsy misy famerenana.
R : /b, d, g, p, t, k, v, z, f, s, h, tr, dr, ts, dz, ntr, ndr, nts, ndz, m, n, ?, mp, nt, ?k, mb, nd, ?g, r, l/ : renifeo telopolo (30)
Ao amin’ny sokajy -Ro- sy –R1- (renifeo [anelanelana (ara-tarika)] ao amin’ny vanin-teny [voatsindry] sy vaniny [voalohany aorianan’ny tsindry]) dia ahitana ireo renifeo telopolo (30) avokoa ; ao amin’ny -R2- (renifeo ao amin’ny vaniny [faharoa aorianan’ny tsindry]) dia tsy ahitana afatsy ny /k, tr, n/ ; amin’ny vaniny [alohan’ny tsindry] dia « mihavitsy » ny renifeo mety ho hita ; amin’ny vaniny [manomboka] (R-) dia tsy ahitana ny renifeo (fa « tsy renisoratra ») [kentsona tapany tsy migoboka] ary tsy ahitana firy ny [kentsona tapany migoboka] :
/mp, nt, ?k, nts, ntr/ izay « miova » ho [am-bava] /p, t, k, ts, tr/
ohatra mpanety : [pa’nety]
(7)e Zana-tsokajin’ny renifeo :
{-Ro- , -R1-}= R (renifeo rehetra)
-R2- = /k, tr, n~?/ (faranteny ao amin’ny teny mitsaikona)
R- [manomboka]= /*mp, *nt, *?k, *nts, *ntr/
Marihina fa :
- ny /n/ amin’ny R2 dia mety hiseho amin’ny endrika /?/ na [?] (raha misy « filanilaniana » amin’ny fiteny betsileo na atsimo atsinanana) ;
-ny /tr/ amin’ny R2 dia mety miseho amin’ny endrika /ts/ amin’ny fiteny tatsimo sy andrefana, ary /tr, tš/ amin’ny fiteny tatsimo andrefana indrindra.
-Ny /tr/ amin’ny tsinjara toerana sisa rehetra (R1, Ro, R-1…/dia mijanona ho /tr/ hatrany afatsy amin’ny fiteny tatsimo andrefa izay manonona azy ho /tr, tš/

3.2.2. Ny zanapeo sy ny zanapeo sosona araka ny « fitsinjarany » ao amin’ny tarika

(7)f Sokajy ben’ny zanapeo sy ny zanapeo sosona :
{ …Z-3 U Z-2 U Z-1 U Zo U Z1 U Z2} = Z (zanapeo sy zanapeo sosona rehetra)

-[Eo amin’ny tsindry] (Zo), [alohan’ny tsindry] ( Z-1, Z-2, Z-3, …) dia ampiasana ny zanapeo sy zanapeo sosona rehetra ;
-ao amin’ny vaniny[voalohany aorianan’ny tsindry] (Z1) dia tsy ahitana afatsy ny zanapeo [mikombona] sy [misokatra] telo(3) /i, u, a/ ;
ary amin’ny vaniny [farany, faharoa aorianan’ny tsindry] (Z2) dia tsy misy afatsy ny zanapeo /a/ , kanefa dia mety ho hita eo ihany ny /i, u/ rehefa misy « mpanoritra » ny, ry mialoha « fameno mpanao » , « tompon-javatra », na , amin’ny fiteny andavanandro, « iharana » ho an’ny /i/, ary ho an’ny /u/ ao amin’ny « mpisolo mitampisaka » /(k)u, (tr)u/
(7)g Zana-tsokajin’ny zanapeo sy zanapeo sosona :
{…Z-3, Z-2, Z-1, Zo}= Z (zanapeo sy zanapeo sosona rehetra)
R : /a, e, i, u, o, ai, ia, au, ua, ui, iu, eu…/
Z1 : /a, u, i/
Z2 : /a, (i, u)/

Marihina fa :
- amin’ny fitenim-paritra atsimo sy atsimo andrefana dia ampiasaina amin’ny Z1 ny zanapeo /e/ -amin’ny fitenim-paritra samihafa dia mety ho zanapeo iray hafa no Z2:/i, e/
-amin’ny fiteny tavaratra dia zanapeo telo no miasa amin’ny Z2:/a, i, u/ mitovy amin’ny zanapeo ao amin’ny Z1 : /a, i, u/ araka ny « lalànan »’ny fanahafana miroso
-amin’ny fiteny tavaratra dia miampy ny zanapeo /?, ?/ ao amin’ny Zo raha [misokatra] /a/ ny zanapeo ao amin’ny Z1 araka ny « lalànan »’ny fanahafana mihemotra
(7)h Z1:/a, u, i, e/ (amin’ny fiteny tatsimo sy tatsimo andrefana)
Z2:/a, e, i/ (miova araka ny fitenim-paritra)
Z2:/a, i, u / amin’ny fiteny tavatra araka ny fanahafana miroso

Marihina koa fa :
-heverina ho toy ny zanapeo hasim-peo « tokana » (fa « tsy roa ») ny zanapeo sosona /ai, ia, au, ua…/ satria « mitovy » tsinjara toerana amin’ny zanapeo tsotra [antenantenany (ara-peo)] /e, o/ izay tsy fahita [aorian’ny tsindrim-peo] :Z1, Z2:/*e, *o, *ai, *ia, *ua, *au *eu…/
-heverina ho toy ny renifeo hasim-peo « tokana » (fa « tsy roa » na « telo ») ny « kambam-peo » [mikatona tapany] sy [kentsona tapany] /tr, dr, ts, …nt, mb, nd, …ntr, nts, …/ satria tsy afaka « mifanolo » amin’ireo hasim-peo hafa « tokony hitovy karazana » aminy ireo singam-peo amin’ny kambam-peo [t-r, d-r-, n-t, m-b…] ka tsy afaka manavaka hasin-teny raha mandeha « irery » sady [tsy mahaleotena ara-tarika]fa [mifampiankina] toetra : ohatra, raha « soloana » [n-][antenantenany ara-peo)] ny singa [-m][aloha amolotra] ao amin’ny /mb/ dia tsy maintsy « misolo » [d-][antenantenany (ara-peo)] koa ny singa « faharoa »/-b/[aloha amolotra] ka lasa:/nd/[antenantenany (ara-peo)] ny kambam-peo satria tsy misy ny kambam-peo /*nb/ noho ny tsy maintsy « mampitovy » [farim-panononana] ny singa ao aminy : [m-] (? /mb/ ) ? [n-] ? /*nb/? /nd/

3.3. Ny singan-toetra manavaka ao amin’ny hasin-peo

Araka ny voalaza tao amin’ny § 4.3.1., dia ny asa fanavahana ara-tarika sy ara-karazana no asa fototry ny hasim-peo amin’ny rafi-teny; teo amin’ny ambaratongan’ny hasim-peo anefa no « namaritana » an’izany anjara asa izany. Raha singa farany kely anefa ny hasim-peo amin’ny fotononana II sy amin’ny ara-tarika, dia mbola azo « singanina » ho singan-toetra iray na mihoatra izy , ary izany no « amaritana » ny hasim-peo ho vondrona singan-toetra manavaka .
Toy izany ohatra, raha lazaina fa manavaka ny hasim-peo /d/ ao amin’ny hasin-teny /’daka/ satria raha « soloana »/t, n, dz, dr, g/ izy dia manome hasin-teny hafa:/’taka, ’naka, ’dzaka, ’gaka/, dia tsy ny hasim-peo « bontolo » /d/ no ahafahany manavaka ny hasin-teny /’daka/ amin’ny hafa fa ny singan-toetra manavaka ananany ; tsy inona izany fa ny singan-toetra [migoboka, ambava, mikatona, mipoaka, antenantenany] mahahasim-peo azy ;ny singan-toetra [migoboka] dia « mifamaly » amin’ny [tsy migoboka] ao amin’ny /t/, ny[ambava] « mifamaly » amin’ny [kentsona] ao amin’ny /n/, ny [mikatona] « mifamaly » amin’ny [mikatona tapany] amin’ny /dz/, ny [mipoaka] « mifamaly » amin’ny [mihovitra] ao amin’ny/dr/, ary ny [antenantenany (ara-peo)] « mifamaly » amin’ny [afara] amin’ny /k/ :
(7)i /d/ (? /’daka/) ? /t, n, dz, g/ ? /’taka, ’naka, ’dzaka, ’gaka/
/d/= [migoboka, ambava, mikatona, mipoaka, antenantenany]
[migoboka] (? /d/) ?[tsy migoboka]?/t/? /’taka/ (? = « misolo » na « soloana »)
[ambava] (? /d/)?[kentsona]?/n/?/’naka/
[mikatona] (? /d/)?[mikatona tapany]?/dz/?/’dzaka/
[mipoaka] (? /d/)? [mihovitra]? /dr/ ? /’draka/
[antenantenany] (? /d/)?[afara]?/’gaka/

Ilaina tokoa raha izany ny « mamantatra hentitra » tsara ireo singan-toetra manavaka isaky ny hasim-peo.

3.3.1. Ny « fomba famantarana » ny singan-toetra manavaka amin’ny hasim-peo

Fomba azo antoka tsara « ahalalana » ny singa afaka mitana anjara asa ny « amantarana » azy ao amin’ny manandroa, manantelo na mihoatra farany kely, satria ilay « fahasamihafana tokana » mivoitra amin’izany dia azo antoka fa ilay singa « mampiavaka » an’ireo hasin-teny na hasim-peo « ampifamaliana » ; eto dia fifamaliana farany kely no iantsoana ny « fampifandraisana » ireo hasim-peo roa, telo na mihoatra « hamantarana » ny singan-toetry ny hasim-peo. Amin’ny alalan’ireo mpihazaka namantarana ny singan-toetra ara-peo amin’ny haifeo ihany no hamantarana ny singan- toetra ara-drafi-peo . « Ampifandraisina miaraka » ao anatina fifamaliana farany kely mifandanja antsoina hoe « fampimirana » ireo hasim-peo rehetra iray sokajy mba « hamantarana miaraka » ny singan-toetra :
-manavaka raha « miaty » amin’ny fampimirana (misy mpifamaly anaty manandroa na manantelo), na,
-tsy manavaka (raha tsy « miaty » , tsy misy mpifamaly) amin’ny hasim-peo tsirairay avy .

3.3.2.Ny singan-toetra manavaka amin’ny figoboky ny renifeo

Inty ny fampimirana manandroa sy manantokana amin’ny mpihazaka figoboka :
(7)j :
b d g v z mb nd ?g dz dr ndz ndr — *r *l * m *n*? [mig.]
p t k f s mp nt ?k ts tr nts ntr *h — – — – –[tsy mig.]

Azo aseho toy izao koa ny fampimirana (7)j :
b/p=d/t=g/k=v/f=z/s=mb/mp=nd/nt=?g/?k=dz/ts=dr/tr=ndz/nts= ndr/ntr ? [migoboka]/[tsy migoboka] : manavaka
–/*h? [tsy migoboka] : tsy manavaka
*r/– = *l/– = *m/– = *n/– = *?/–? [migoboka] : tsy manavaka
Hita amin’ny fampimirana (7)j fa :
-manavaka ny [migoboka] amin’ny /b, d, g, v, z, mb, nd, ?g, dz, dr, ndz, ndr/ satria miaty anaty fampirana manandroa
-manavaka ny [tsy migoboka] amin’ny/p, t, k, f, s, mp, nt, ?g, ts, tr, nts, ntr/ satria miaty koa
-tsy manavaka ny [tsy migoboka] amin’ny /h/ satria tsy miaty anaty manandroa fa maningana ao anaty amin’ny manantokana
-tsy manavaka ny [migoboka] amin’ny/r, l, m, n, ?/ satria tsy miaty fa maningana

Marihina fa mety [tsy migoboka] koa ny /r, l, m, n, ?/>[r°, l°, m°, n°, ?°] amin’ny vanin-teny R1 na R2 (aorian’ny tsindry indrindra raha « milatsaka » ny zanapeo Z1 na Z2) kanefa toetra manara-poana izany ka tsy manavaka

3.3.3.Ny singan-toetra manavaka amin’ny fari-panononan’ny renifeo

Inty ny fampimirana manantelo, manandroa na manantokana amin’ny mpihazaka fari-panononana « afintina » amin’ny toeram-panononana (§ 2.1.3.1. –4) ) :
(7)k :
b p v f m mb mp — – — – — — — — – - [aloha]
d t z s n nd nt dr*tr*dz*ts*ndr*ntr*ndz*nts*l*r*[anten.]
g k – h ? ?g ?k — – — – — — — — – - [afara]

Hita ao amin’ny (7)k fa – [manavaka] ny [singan-toetra] [aloha, antenantenany, afara] amin’ ireo renifeo 18 miaty amin’ny manantelo ary 2 amin’ny manandroa :
b/d/g, p/t/k, …mp/nt/?k ; v//
-tsy manavaka kosa ny singan-toetra [antenantenany] amin’ny renifeo folo(10)
tsy miaty fa maningana amin’ny manantokana /dr, tr, …ndr, ntr, …l, r/
Tsy ny fari-panononana ambony sy ambany miaraka no nampiasaina eto satria ireo singan-toetra ara-peo « miaraka » amin’ny fari-panononana toy ny [amolotra roa , amolotra anify] dia « manarapoana » na « tarihin’ » ny singan-toetra amin’ny fisokatra [mikatona, mitafitafy] : ny [amolotra roa] ohatra dia « tsy maintsy » [misokatra] fa ny [misokatra] kosa dia « tsy voatery » ho [amolotra roa ; toy izany koa ny [amolotra anify] dia « tsy maintsy » [mitafitafy] fa ny [mitafitafy] kosa dia « tsy voatery » ho [amolotra roa] :

(7)l [amolotra roa] ? [mikatona] ; [mikatona] ?> [amolotra roa [amolotra anify] ?[mitafitafy] ; [mitafitafy] ?>[amolotra anify] Araka izany, dia aleo ny singan-toetra mifintina ho « telo » amin’ny fari-panononana no ampiasaina ary « ampifanampiana » amin’ny singan-toetra amin’ny fisokatra ».

3.3.4. Ny singan-toetra manavaka amin’ny fisokatry ny renifeo

Inty ny fampirana manandroa, manantelo na manantokana amin’ny mpihazaka fisokatra :
(7)m :
1 b p d t nd nt g k mb mp ?g ?k m n ? – - 1[mik]
2 v f z s — – – h — — — – – - – l r 2 [mit]
3 – - dz ts ndz nts – - — — — – – - – - – 3[mik½]
dr tr ndr ntr

Hita ao amin’ny (7)m fa -manavaka ao amin’ny manantelo /d, z, (dz, dr)/, /t, s, (ts, tr)/ ny singan-toetra [mikatona, mitafitafy, mikatona tapany]
-manavaka ao amin’ny manandroa b/v, p/f, k/h ny singan-toetra [mikatona, mitafitafy]
-manavaka ao amin’ny manandroa nd/(nds, ndr) , nt/(nts, ntr) ny singan-toetra [mikatona, mikatona tapany]
-tsy manavaka ao amin’ny manantokana /g, mb, mp, ?g, ?k, m, n, ?, / ny singan-toetra [mikatona]
-tsy manavaka ao amin’ny manantokana /l, r/ ny singan-toetra « mety » [mikatona na misokatra] ananany ara-peo

Ny renifeo mikatona tapany 8 /dr, tr, ndr, ntr, dz, ts, ndz, nts/ dia samy [mikatona tapany] amin’ny fisokatra ka dia ny zana-pihazaka fivoaky ny rivotra no « ampiavahana » azy amin’ny manandroa :

dr, tr, ndr, ntr [(mikatona tapany) mihovitra]
dz, ts, ndz, ntr [(mikatona tapany) misioka]

3.3. 5. Ny singan-toetra manavaka amin’ny fikentson’ny renifeo

Inty ny fampimirana manantelo, manandroa na manantokana amin’ny mpihazaka fikentsona :
(7)n :
b d g p t k dz ts dr tr *v*f*z*s*h*l*r
mb nd ?g mp nt ?k ndz nts ndr ntr – - – - – - -
m n ? — – — — — — — – - – - – - -
Hita araka ny (7)n fa -amin’ny manantelo b/mb/m, d/nd/n, g/?g/? dia manavaka ny [ambava, kentsona tapany, kentsona]
-amin’ny manandroa p/mp, t/nt, k/?k, dz/ndz, ts/nts, dr/ndr, tr/ntr dia manavaka ny singan-toetra [ambava, kentsona tapany]
-amin’ny manantokana /v, f, z, s, h, l, r/ tsy dia manavaka ny singan-toetra [ambava]

3.3.6.Ny singan-toetra manavaka amin’ny fari-panononan’ny zanapeo

Inty ny fampimirana manandroa sy manan-tokana amin’ny faripanononan’ny zanapeo :
(7)o i – e [aloha]
a* [anivo]
u – o [afara]
Hita fa
–manavaka ny singan-toetra [aloha, afara] amin’ny manandroa i/u, e/o ;
- tsy manavaka kosa ny singan-toetra [anivo] amin’ny manantokana /a/ satria tsy misy amin’ireo zana-peo 4 hafa afaka mamorona manandroa na manantelo farany kely miaraka aminy ka azo ampidirina ao anaty fampimirana

3.3.7.Ny singan-toetra manavaka amin’ny fisokatry ny zanapeo

Inty ny fampirana manandroa na manantokana amin’ny fisokatry ny zanapeo :
(7)p :i u [mikombona]
e o [antenantenany]
a* [misokatra]

Hita ao amin’ny (7)p fa:
-manavaka ny singan-toetra [mikombona, antenantenany] ao amin’ny manandroa i/u, e/o ;
- tsy manavaka kosa ny [misokatra] ao amin’ny manantokana /a/ satria maningana.

3.3.8. Ny singan-toetra tsy manavaka amin’ny zanapeo

Hita tao amin’ny fari-panononana sy fisokatra tetsy aloha fa samy tsy manavaka ny singan-toetra [anivo, misokatra] ao amin’ny zanapeo /a/ noho izy tsy miaty amin’ny fampimirana ; vao mainka koa « manamarina » izany ny fifampiankinan ’ireo toetra roa ireo : ny zanapeo [misokatra] amin’ny « teny malagasy » dia « tsy maintsy » [anivo] ary ny zanapeo [anivo] dia « tsy maintsy » [misokatra] :
Zanapeo /a/ : [misokatra]?[anivo] ; [anivo]?[misokatra]

Koa noho izany singan-toetra iray ihany (1) izy roa (2) ireo satria mifampitarika na mifanarapoana : « ampy » ilazana azy ny iray (1) aminy.
Efa hitantsika fa tsy afaka manavaka ny [migoboka] amin’ny zanapeo satria toetra manarapoana io amin’ny zanapeo fa « tsy misy safidy » ho an’ny mpiteny : rehefa mety ho zanapeo dia [migoboka ] « daholo » ; ary raha sendra ka [tsy migoboka] izy ao anaty tarika dia mbola toetra manarapoana koa izany satria « miankina » amin’ny toerana misy azy [aorian’ny tsindry].
Toy izany koa ny [fikentsona] amin’ny zanapeo :[ambava] « daholo » izy rehetra ary « tsy safidy » ny mampikentsona azy [alohan’] ny renifeo [kentsona] na [kentsona tapany]

3.3.9.Ny singan-toetra manavaka amin’ny fari-panononan’ny zanapeo sosona

Inty ny fampimirana manandroa na manantokana amin’ny fari-panononan’ny zanapeo sosona :
(7)r :
ua ai ei ui — [miroso]
ia au eu iu *ea [mihemotra]
Manavaka ny [miroso, mihemotra] ao amin’ny fampimirana (7)r, tsy manavaka kosa ny [mihemotra] ao amin’ny /ea/ tsy miaty

3.3.10.Ny singan-toetra manavaka amin’ny fisokatry ny zanapeo sosona

Inty ny fampimirana manandroa na manantokana amin’ny fisokatry ny zanapeo sosona :
(7)s : ua ia ea iu — [misonga]
ai au eu ui *ei [mirorona]
Manavaka ny [misonga, mirorona] ao amin’ny fampimirana manandroa (7)s ; tsy manavaka kosa ny[mirorona] ao amin’ny /ei/ izay tsy miaty

3.3.11.Ny singan-toetra manavaka amin’ny sandan’ny fari-panononan’ny zanapeo sosona

Inty ny fampimirana manantelo, manandroa na manantokana amin’ny sandan’ny fari-panononan’ny zanapeo sosona :
(7)t ai ia au *ua [farany be]
ei ea eu — [antenantenany]
ui iu — – [farany kely]

Manavaka ny [farany be, antenantenany, farany kely] ao amin’ny fampimirana manantelo na manandroa ; tsy manavaka ny [farany be] kosa ao amin’ny /ua/ izay tsy miaty.

3.4. Ny « lanjan »’ny singan-toetra manavaka amin’ny rafi-peo

Efa voalaza tany am-piandohan’ity fiazarana momba ny rafi-peo ity fa na « maro » toy inona aza ny singan-toetra ara-peo mety hamaritana ny toetry ny feon-teny amin’ny haifeo dia « vitsy » ihany dia ampy hamaritana ny toetra amin’ny rafi-peo.
Ohatra amin’ny singan-toetra sivy (9) ara-peon’ ny [dr] :[migoboka, ambava, mikatona tapany, mikasaoka, mihovitra, tsy maharitra, ankihy , andohalela, antenantenany] dia dimy (5) ihany no ilaina hamaritana azy amin’ny rafi-peo :
[migoboka, ambava, mikatona tapany, mihovitra, antenantenany] .
Dimy(5) no isan’ny singan-toetra farany betsaka ara-drafi-peo ilaina ho an’ny renifeo malagasy, izany hoe dimy(5) no isan’ny hasim-teny farany betsaka azony avahana amin’ny alalan’ny singan-toetrany .
Araka izany, ny isan’ny singan-toetry ny hasim-peo dia « manambara » ny lanjan’ny hasim-peo eo amin’ny rafi-teny ; « tsy sendrasendra » akory ny isan’ny singan- toetra ho an’ny hasim-peo tsirairay azo avy ny « famaritana » natao ara-drafi-peo toy ny teo ambony fa azo « hamarinina » ara-kajy koa . Ho an’ny /dr/ sy ny renifeo 30 iray sokajy aminy ao amin’ny Ro sy R1 dia 1/30 = 0, 03 ny tombam-pitrangany, ny sandany amin’ny teôrian’ny filazam-baovao dia 2Log0, 03 = 4, 9 izany hoe , 4 na 5 ny isan’ny singan-toetra ara-drafi-peo farany be ilaina raha fifamaliana manandroa no namaritana , eto anefa misy manantelo misy manandroa ka tsy dia mampiova firy ny vokatra. Amin’ny haiteny amin’ny ankapobeny ary amin’ny rafi-peo manokana , ny matematika dia manampy amin’ny haitsikera amin’ny lafiny maro ary indrindra ilaina ho toy ny « arofanina » hahamafy orina ny tsikera sy ny vokatra ka azo anamarinana azy amin’ny lafiny toetra sy isa.

4. Ny feon-teny ao amin’ny ambaratongan-tsikeran’ny haiteny

Ny anjara asa fanavahana ara-tarika sy ara-karazana, araka ny nahitantsika azy tao amin’ny §§ 2.3., no tena anjara asa fototra iandraiketan’ny feon-teny.Misy anjara asan’ny feon-teny hafa koa anefa ao amin’ny sehatry ny rafi-teny sy ao amin’ny « sehatra » hafa izay na tsy asa fototra aza dia asa misy lanjany mafonja. Ny ao amin’ny ambaratongan-tsikeran’ny haiteny aloha no hofantarina alohan’ny hijerena santionany amin’ny sehatra hafa.

4.1.Ny feon-teny ao amin’ny rafi-peo aman’endrika

Ny rafi-peo aman’endrika, ambaratongan-tsikera « mandray roa », dia andinihana ny fiendriky ny hasin-teny izay « tsy miova » amin’ny marihina (hevitra) fa mety « miova » amin’ny mpanamarika (miova hasim-peo) rehefa misy kamban-teny na sampan-teny miforona miaraka a -miny ; « fiovana » miankina amin’ny tarika feo sy /na tarika hasim-peo no tsy mampiova ny marihin’ ny hasin-teny amin’ny rafi-peo aman’endrika ; ny « fiovana » tsy miankina ara-peo kosa dia sady manavaka hasin-teny no manavaka endri-teny misy heviny.

4.1.1.Fiendrika miankina tsy ara-peo

Ny fiendrika tsy miankina mihitsy ara- peo dia misy heviny, toy ny fiovana amin’ny filazam-potoana m-/-n/-h ao amin’ny mody/nody /hody ; tsy miankina amin’ny mpiray tarika ara-peo ohatra ny fiovana n- > m- « lasa » > « ankehitriny » ; ao amin’ny tsinrin-teny n- > m-, miseho amin’ny endrika hasim-peo /n/ > /m/, ny fiovan’ny singan-toetra maha[antenantenany (akihy)] > [aloha ( amolotra)] dia tsy miankina amin’ny singan-toetra mpiray tarika feo eo [alohany] na eo [aorianany].

4.1.2.Fiendrika miankina fa tsy ara-peo

Fiankinana araka endrika
Miankina kosa ny fiovana toy ny amin’ny /n>m/ ao amin’ny /’velun(a) + -a > ve’luma/ ary tsy misy hevitra manokana marihiny ; ny fanovanana ny tsirin-teny –a izay mety ho –ina na-ana koa no mahatonga ny fiovana kanefa tsy ny singan-toetra ara-peo mpiray tarika aminy no mampiova ny [antenantenany] /n/ ho [aloha] /m/, sahala amin’ny tsy mampiankina ara-peo koa ny fiovana [mikatona > mitafitafy] : /k > h ~ f/ ao amin’ny tarika > tarihina na tehaka > tehafina, na amin’ny /tr > r~t~f…/ ao amin’ny miteraka > miteraha, hevitra > heverina, tototra>totorana~totofana…Ny fanovan’ny zanapeo sy renifeo am-panovanana dia tsy azo vinanina « an-kehitra » na dia mety hohazavaina « am-potoana » aza.

Fiankinana ampahany ara-peo
Mety misy antony « ampahany » ara-peo ihany « mifantina » ny fanovan-kasim-peo araka ny trangam-peo fisamihafana ;
ohatra
–raha misy /h1/ amin’ny foto-teny, ny fanovan’ny /k2/ dia tsy /*h/ fa /f/ : (8)/(h1)-k2/ > /*h > f/ toy ny amin’ny tehaka > *tehahina > tehafina ; raha misy/r1/ ao amin’ny foto-teny dia tsy /*r/
ny fanovan’ny /tr/ fa /t ~f/ :
(9) /(r1)-tr2/ > /*r > t~f/ toy ny ao amin’ny faritra > *farirana > faritana, taratra > *tararina > tarafina Marina koa anefa fa tsy misy fisamihafana amin’ny « fifantenana » ny fanovan’ny /n2/ > n~m/ ; fa amin’ny fiteny merina dia misy fanahafana miroso raha misy /u1/ amin’ny foto-teny :
(10) tazona+ina > tazonina (malagasy ôfisialy) > tazomina (fiteny merina) sarona+ana > saronana (malagasy ôfisialy) > saromana (fiteny merina)

4.1.3. Fiendrika miankina ara-peo

4.1.3.1.Fiovana ambaratongam-peo miankina amin’ny mpiray tarika araka endrika
Ny fiendrika miankina amin’ny mpiray tarika ara-peo sy amin’ny mpiray tarika araka endrika dia mihatra amin’ny renifeo R2 [faranteny] /k(a), tr(a), n(a)/ sy /na amin’ny renifeo [manomboka] R-/f, s, h, v, z, p, t…/ amin’ny « fanakambanana » K1, K2, K3 : (11) K1 [kamba] : zanateny + reniteny (zanateny toy ny mpampiankina an-, aman-, amin-, in-, -n(a)-…) ; reniteny + reniteny
- K2 [veri] : verin-droa : reniteny + reniteny
- K3 [tova] : tovona (m)an- + foto-teny
Ny fanakambanana K1, K2, K3 eto no mpiray tarika araka endrika, mametra ary mamaritra ny ambaratonga-mpihazaka mampisy fiovana kely na be asehon’ny fitsipika F ; milahatra toy izao ny ambaratongam-piovana araka ny mety ho fiovan’ny singan-toe-peo amin’ny fiovana :
(12) Fisokatra : F[soka], fari-panononana : F[fari], figoboka : F[gobo], fikentsona tapany: F[kentso½], fikentsona tanteraka : F[kentso1] , fifintinana : F[finti], ka amin’ny :

- K1[kamba], dia mihatra ny F[soka], sy/na F[fari], na F[kentso½] raha misy /n2/ [mamarana] eo [alohan]’ny renifeo R- ; tsy mihatra kosa ny F[gobo] sy F [kentso1] ;
- K2[veri], mihatra ny F[soka], F[fari], F[kentso½] ary indraindray F[gobo] raha misy /h-/ ; tsy mihatra ny F[kentso1]
- K3[tova], mihatra hatrany ny F[soka], F[fari], F[gobo], F[kentso½] raha [tsy migoboka] ny hasim-peo R- [manomboka], ary F[kentso1] raha [migoboka] ny – R[manomboka].
Hita « mitombo » hatrany ny isan’ny singan-toetra miova amin’ny K1[kamba] ka hatramin’ny K3[tova] : ny fiovana F[gobo] sy F[kentso1] dia amin’ny K3[tova] vao tena mihatra ka miova tanteraka ireo hasim-peo roa mikambana R2 +R- ka lasa hasim-peo hafa tanteraka nisy fiovana amin’ny mpihazaka efatra.

4.1.3.2 Ny fiovana ara-peo miankina amin’ny mpiray tarika ara-peo : tranga ara-peo (haifeo)
Ny singan-toetra ao amin’ny hasim-peo [mamarana]:/k(a), tr(a), n(a)/ ao amin’ny hasin-teny [voalohany], mikambana amin’ny hasim-peo [manomboka] /b, d, g, p, t, …/ ao amin’ny hasin-teny [faharoa] no mpiray tarika « mifampiako » mamaritra ny karazam-piovana araka ny lalànan’ny trangam-peo :
–fanahafana miroso (?) ao amin’ny mpihazaka fisokatra, figoboka, fikentsona,
-fanahafana mihemotra (?) ao aminy mpihazaka fari-panononana ary -fifintinana (F[finti].

Indreto misy fampiharana an’ireo fiovana feo F miaraka amin’ny fepetra araka endrika K ary misy trangam-peo fanahafana miroso(?) na mihemotra (?) :
-a) Fiovana (antsoina koa hoe fiofohana) mitokana, izany hoe faritana tsirairay :
(12)a K1[kamba], F[soka] :
[mik.?mis.] ? [mis.>mik.] ? /k(a)?v-/? /v>b/ ?
miarak(a)+velona > miara-belona
? /tr(a)?v-/?/v>b/ ?
faritr(a)+volana > fari-bolana
(12)b K1[kamba], F[kentso½] :
[kents.?amb.]? [amb>kents.½] ? /n(a)?b/?/b>mb] ?
manan(a)+basy > manam-basy
(12)d K1[kamba], F[fari] :
[ ant.? aloha (amolotra)]?[ant.> aloha] ? /n(a)?b/?/n>m/ ?
in+betsaka > im-betsaka
[ ant.?afara(andanilany malemy)]?[ant. > afara] ? /amin+’guni/ > ami’?guni /
(12)e K2[veri], F[gobo] :
[mig.?tsy mig.]? [tsy mig. > mig.] ? /n(a)?h/?/h> ?g/ ?
herin(a)+herina > heri?gerina
(12)f K3[tova], F[kentso½] :
[kents.?amb.mig.]?[amb. > kents.½] ? /n(a)?d/?/d > nd/ ?
man-+dona > mandona
(12)g K3[tova], F[kentso1] :
[kents.?amb. tsy mig.] ? [amb. > kents.1] ?
man-+tery > manery
-b) fiovana alahatra mitambatra :
Ny fiovana voafaritra ao amin’ny (12)a-g dia natao « mitokana » isaky ny singan-toetra isa-mpihazaka ; rehefa miteny anefa ny mpiteny dia tsy « mitokana » ny fiovana isan-tsingan-toetra fa « mitambatra » ; koa raha aseho ny fiovana isan-dafiny mba hanehoana ny vokatra « mitambatra » dia « alahatra mifandimby » ireo fitsipika fiovana « mitokantokana » tao amin’ny (12) ;
ohatra :
-ny fiovana K[veri] : /n-h/ > /?g/ ? /heri’?gerina/ , alahatra toy ny ao amin’ny (13)a : (13)a K[veri] :F[soka :1, fari :2, gobo :3, finti :4] atao amin’ny ambaratonga hasim-peo fa tsy ambaratoga singan-toetra : /n?h/1 > /n?k/2 > /??k/3 > /?+g/4 > /?g/
-ny fiovana K[tova] : /n+h/ > /?~n/ ? /man-+’hudina > ma’?udina~ma’nudina/ alahatra toy ny amin’ny (13)b : (13)b K[tova] : F[soka :1, fari :2, gobo :3 kentso :4, fintina :5] : /n?h/1 > /n?k/2 > /??k/3 > /??g/4 > /?+?/5 > /?~n/

Marihina -fa ny fanova /?/ dia fahita amin’ny ankabeazan’ny fiteny malagasy ary fanova /n/ dia amin’ny fiteny toy ny merina sy tanalana ; -fa mitovy ny filahatry ny fitsipika fiofohana ao amin’ny (13)a sy (13)b izay lavalava kokoa satria misy ny fiovana amin’ny mpihazaka rehetra.

4.1.4.Ny « fiantraikan »’ny fiovana ara-drafi-peo : tranga araka anjara asa

Efa voalaza fa ny fiovan’ny fiendrika miankina ara-peo dia « manova » ny mpanamarika (hasim-peo mamorona ny hasin-teny) fa « tsy manova » ny marihina amin’ny hasin-teny ;toa « manova » ny lalàna fototry ny asa fanavahan’ny hasim-peo izany fiovana fiendrika izany ; ny hasim-peo manavaka anefa dia mahaleo tena, tsy miankina amin’ny mpiray tarika ka izany no ahafahany manavaka ; ny fanovan-kasim-peo amin’ny rafi-peo aman’endrika anefa dia tsy mahaleo tena fa miankina amin’ny mpiray tarika ka tsy manavaka hasin-teny ary izany fiovany « voafetran »’ny tarika tarika izany no « maneho » ny anjara asa fiendrika amantarana ny mpanamariky ny hasim-peo na dia « miovaova » aza.
Na eo izany dia ho hitantsika fa amin’ny rafi-peo aman’endrika dia misy tranga araka anjara asa : « -tsy manova » ny anjara asa fototra fanavahana hasin-teny ; -misy koa « manafoana » ny asa fanavahana ka mampisy fiotana ; – misy farany, « mitana » ny anjara asa tany amboalohany amin’ny alalan’ny fisamihafana.

4.1.3.Fiovana mitana ny anjara asa fototra

Mety ho « voatana » ny anjara fototra fanavahana hasin-teny na dia misy « fanampy » ny singan-toetran’ ny hasim-peo mifamaly, na misy findra mpihazaka mihitsy aza.
-« Fanampy » singan-toetra [am-bava > kentsona½] :nefa « voatana » ny fanavahana ny hasin-teny :
(14)a aman(a)(toko?doko) > (aman-toko?aman-doko) ? /t?d/ > /nt?nd/ Hita fa ny [ambava][tsy migoboka?migoboka] dia lasa [kentsona½][tsymigoboka?migoboka] : « voatana » ny anjara asa fototra.

-Fiovana misy findra mpihazaka : [figoboka] ? [fikentsona] :
(14)b man-(toro ? doro) > (manoro ? mandoro) ? /t?d/ > /n ? nd/
man-(foly ? voly) > (mamoly ? mamboly) ? /f ? v/ > /m ? mb/
Hita fa « voatana » ny fanavahana hasin-teny saingy ny fanavahana tamin’ny mpihazaka [figoboka] : /f?v/ dia nifindra amin’ny mpihazaka [fikentsona] : /m?mb/

4.1.4. Fiovana misy fiotana

Mety ho hita koa ny « fanjavonan »’ny asa fanavahana hasin-teny izay antsoina hoe fiotana
-Fiotana amin’ny [fisokatra] :
[mitafitafy?mikatona] > [mikatona = mikatona] (14)d mivarotra (bala? vala) > (mivaro-bala = mivaro-bala) ? /b?v/ > /b=b/
-Fiotana amin’ny [figoboka] :
[migoboka?tsy migoboka] > [kentsona][migoboka ?migoboka] (14)e man(fono?vono) > (mamono ? mamono) ? /v?f/ > /m=m/
-Fiotana amin’ny fari-panononana :
[afara?antenantenany] > [afara = afara] (14)f man-(koro(koro)) ? (toro(toro)) > manoro(koro)? manoro(toro) ?/k?t/ > /n=n/ /hani?a ? hanina/ +havana > /hani?-kavana = hani?-kavana/ ? /?(a)?n(a)/ > /?(k) =?(k/

4.1.5. Fisamihafana manavaka

Ny fisian’ny fanovana hasim-peo « roa » ho an’ny hasim-peo « iray », toy ny /n+h/ > /?k~?g amin’ny F[veri] , na amin’ny F [tova] : /n+v/ > /m~mb/ dia « mety mamorona » fifamaliana « vaovao » mbola « tsy nisy » tany aloha na « efa nisy » fa « niova » mpihazaka :
-Fisamihafana amin’ny K[veri] : /h/ > /?k??g/ :
(14)g /’havana+’havana/ > /hava’?kavana?hava’?gavana/ « elana ara-batana » ? « elana ara-tsaina »
/’halana+’halana/ > /hala’?kalana?hala’?galana/ « fanelana ara-batana » ? « elana ara-tsaina »

-Fisamihafana amin’ny K[tova] : »fialana » amin’ny fiotana?fisamihafana :
(14)h man-(voly?foly) > (*mamoly=mamoly) na (mamboly=*mamboly) ? (mamboly?mamoly)

-Fisamihafana misokajy : (matoanteny? mpamari-toetra ) ? /n??g/ < /n+h/ :
(14)i man-+hasohaso > /manasu’hasu?ma?gasu’hasu/ : « matoanteny?mpamari-toetra »
man-+hadihady > /manadi’hadi?ma?gadi’hadi/ : -id-
man-+hidy > /ma’nidi?ma?gidi/ -id-
man-+havoka > /ma’navu’k(avuka)? ma’?gavuka/ -id-
man-+hatsaka > /ma’natsaka?ma’?gatsaka/
Marina fa misy fanova /?g/ milaza « matoanteny » : mangalatra, mangarona, mangorona ;ary misy « mpamari-toetra » mampiasa fanova /n/ : manintsy, manotika ; hita anefa fa matetika tsy misy fifamaliana sokajy amin’ireny :
ohatra mangalatra ? *manalatra (tsy misy fifamaliana sokajy), mangarona? manarona (tsy misy fifamaliana sokajy satria samy matoanteny ary foto-teny samy hafa) ; ary amin’ny haiteny na amin’ny taranja hafa, na misy mety maningana aza, tsy mahasakana ny hananganana sokajy izany raha tsapa fa misy firafitra mitovy.

4.2.Ny feon-teny ao amin’ny tarika sy ny fehezan-teny :

Ny ambaratonga filatsika

« Misokajy roa » ny feon-teny ao amin’ny tarika sy fehezan-teny. Ao ireo feo misilaka vokatry ny tsikera amin’ny fitononana (cf. §311), azo « singanina » tsirairay, azo « faritana » tsirairay na dia mety misy ihany aza toetra « mifampiankina » amin’ny mpiray tarika aminy ; ireo no atao hoe hasim-peo . Ao ireo feo milatsika, « tsy azo singanina » tsirairay, fa « mihanaka » amin’ny feo misilaka (hasim-peo) maromaro « mifanesy » ao amin’ny tarika feo (hasin-teny, kambana hasinteny), tarika fehezan-teny na fehezan-teny manontolo ny toetra sy ny fiova momba azy, izany hoe « tsy azo faritana » raha tsy fantatra ny toetran’ireo hasim-peo eo alohany sy aorianany ; marina anefa fa hasim-peo iray na vitsivitsy no tena « ivoiran’ »ny filatsika kanefa dia ny « fampitahana » amin’ny eo [aloha sy aoriana] ihany no « mampivoitra » azy. Ambaratongam-pilatsika no andinihana ny lafim-peo roa voakasik’izany, dia ny tsindrim-peo sy ny lantom-peo.

4.2.1.Ny tsindrim-peo :toetra sy asany

Ny tsindrim-peo (hafohezina koa hoe tsindry) dia « fivoitry » ny feo ao amin’ny vanin-teny iray « miohatra » amin’ny vanin-teny hafa [aloha sy/na aorianany[ ; voafetra ao anaty voan-teny (hasin-teny na kamban-kasin-teny) ny fisiany ; ny zanapeo no tena « mivoitra » ao amin’ny vanin-teny ; lazaina hoe voatsindry ny vanin-teny na zanapeo voatsindry « mivoitra » amin’ny mpiray tarika aminy ; « faingo mihantona » (‘) no anamarihana azy amin’ny soratra feo. FANAMARIHA NA momba ny voambolana : ny tsindrim-peo (hafohezina koa hoe tsindry) dia « manambara » toetra ara-pilatsy : « fivoiran »’ny singan-toetra ao amin’ny vanin-tenin’ny voan-teny ; ny tsindry ao amin’ny haifeo ara-panonja kosa dia lafin-toetra iray ao amin’ny mpihazaka ara-panonja, lafin-toetra mifamaly amin’ny toetra ara-pihazaka fahatetika sy fotoana (cf.2.2.)

4.2.1.1.Ny toetry ny tsindrim-peo
« Amaritana » ny tsindry ireo mpihazaka telo ao amin’ny haifeo ara-panonja dia ny fahatetika (haabo), ny tsindry ara-panonja (hamafy) ary ny fotoana (faharitra).Ny vanin-teny [voatsindry] izany dia [filo, mafy sy/na maharitra ] kokoa noho ny hafa [tsy voatsindry[ izay [dombo, malefaka sy/na tsy maharitra] kokoa noho ny [voatsindry[. Araka ny fikarohana ara-pisedrana sy ara-pitaovana (RAFITOSON 1980 , RAKOTOFIRINGA 1965, 1982) dia ny fahatetika (fahaabo) no tena « mampivoitra » ny tsindrim-peo malagasy kanefa mandray anjara miaraka na mifandimby koa ny tsindrim-panonja sy/na faharitra.
Misy ambaratongany ny tsindrim-peo : renitsindry1 sy zanatsindry2 toy ny amin’ny /’za2na’peu1/ na /’re2ni’ra1nu/, ary misy sokajiny :tsindry fototra1 sy tsindry am-panovanana2 toy ny ao amin’ny /’za1naka/ sy /za’na2hina/.

4.2.1.2. Ny toeran’ny tsindry
Mizara telo ny sokajin’ny voanteny araka ny toerana misy ny tsindry :-mitsaikona raha [voatsindry] ao amin’ny vaniny [fahatelo hatramin’ny vaniny farany] toy ny amin’ny foto-teny /‘savuka/, -mingadona raha [voatsindry] amin’ny vaniny [faharoa hatramin’ny farany] toy ny /’vuka/, -mitsatoka raha [voatsindry] amin’ny vaniny [farany] toy ny /zavu’ka/ , na toy ny amin’ny sampan-teny mitsaikona /‘manana/, mingadona /mi’funa/, mitsatoka /mifu’na/.
Ireo sokajin-teny ara-tsindry ireo no ahitana fa amin’ny vanin-teny [telo (3) hatramin’ny farany] ihany no toerana mety misy ny tsindry amin’ny teny malagasy.
Tsy « malalaka » tanteraka anefa ny toeran’ny tsindry amin’ireo vaniny [telo (3) farany] ireo fa ny fitsinjaran’ny toetra sy ny sokajin’ny hasim-peo (cf. 3.2.1.-2 ) amin’ireo vaniny telo (3) ireo no « mametra » azy na ny marimarina kokoa « mifametra aminy »; ohatra -raha tsy misy hasim-peo /k, tr , n/ (sokajy R2), amin’ny faran-teny dia tsy mety ho mitsaikona ny voanteny : /’marika, ‘maritra, ‘marina, *’marifa, *’mariga…/ ( amin’ny teny vahiny « nogasiana » vao haingana dia manomboka misy renifeo R2 hafa noho ny /k, tr n/ : /s2, t2, l2…/ toy ny / ‘tak(i)sa/ « taxe », /‘kar(i)ta/ « carte », /pôr’tab(i)la/ « portable » ; tsy toy ny voagasy taloha : /la’tabatra/ « la table », /’karatra/ « carte »…);
-amin’ny vaniny [faharoa sy fahatelo hatramin’ny farany] dia mety ahitana ny renifeo rehetra (Ro, R1)raha voanteny mitsaikona na mingadona ; ny zanapeo [antenantenany] (ara-peo):/e , o/na ny zanapeo sosona/ai, ia, ua, au, …/ dia hita amin’ny [tsindry na alohany] : Zo, Z-1, Z-2//… fa tsy hita [aorianany] ; hita amin’izany fa fetra miiba fa tsy miabo no « mamaritra » ny toeran’ny tsindry ; ny toerana « tsy mety misy » izany no azo lazaina fa tsy ny toerana « tena mety misy » satria « malalaka tapany » ny toeran’ny tsindry amin’ny teny malagasy ka izany no ahazoany mitana anjara asa fanavahana hasin-teny, fa raha « voafetra tanteraka » ny toerany, toy ny amin’ny teny frantsay, dia tsy afaka manavaka hasin-teny izy.

4.2.1.2 Ny asan’ny tsindry

Misy anjara asa maro sahanin’ny tsindry toy ny asa fiharika, asa fanasarahana, asa fiontanana…, fa amin’ny teny malagasy izay misy « fahalalahana voafetra » ny fitsinjarany ao amin’ny [vaniny telo farany] dia afaka mitana asa fanavahana sy fiendrika izy ; asa fanavahana toy ny amin’ny /’tanana?ta’nana/ ; asa fiendrika rehefa misy fifintinan’ny zanapeo tovana sy ny zanapeo [farany] amin’ny foto-teny misy tovana « mandidy » a- na –u toy ny ao amin’ny /’manda?ma’nda ‘manda+-a/, na amin’ny /’vunu?vu’nu ‘vunu+u/ amin’ny fiteny betsileo ; -na rehefa misy filatsahan’ny tsirin-teny mandidy /-a na -u/ amin’ny zanapeo sosona miforona amin’ny fanovanana /-i+a-/ ia, na /-u+-a/ ua : /’misi?mi’si ‘misi+a/ na /ma’munu?mamu’nu ma’munu+a/ amin’ny fiteny merina.

4.2.2. Ny lantom-peo : toetra sy asany

Ny lantom-peo (hafohezina koa hoe lanto) dia « fiovaovana manerana » ny hasim-peo « rehetra » eo amin’ny tari-pehezan-teny mizaka tena, « fiovaovana » izay midika ara-panonja ho fisonga na fietry eo amin’ny fahatetika, tsindry sy/na faharitra ; eo amin’ny tsindrim-peo [farany] amin’ny tari-pehezan-teny no « mivoitra » indrindra ny « fiovana »; misy ambaratongany anefa io « fivoitra » io ary ny fahatetika (fahaabo) no tena « mamaritra » azy na dia « mandray anjara » koa aza ny toetra amin’ny mpihazaka roa hafa dia ny tsindry sy faharitra.

Raha ifanarahana fa marihina [1] « [ambony] »>[2] « [antenantenany] »>[3] »[ambany] »] ny ambaratongan’ny « fivoitra » dia toy izao ny fitrangan’ny filanto roa samy hafa ao amin’ny tari-pehezan-teny telo :
t1, t2, t3 ao amin’ny fehezan-teny
(15) handeha hividy hena // rahampitso maraina //ny zana-dRakoto :
(15) t1 : han’deha hi’vidi ‘hena//t2 : raha’mpitsuma’raina//
(15)a ——————– [1] —————-[2]
(15)b ———————[3] —————–[2]
(l5) t3 : ni ‘zanadra’kutu
(15)a ————–[3] [miletsy] nyt2>t3
(15)b ————–[1] [ misonga ] ny t2 t3

Filanto miletsy ny (15)a ary filanto misonga ny (15)b ; mety misy fanovany ny filanto (15)a :
(15)a1 t1 : [2] // t2 : [1]// t3 : [3] [ miletsy] ny t2>t3
(15)a2 t1 + t2 :[1]// t3 : [3] [ miletsy ] ny t2 > t3
« Filaza tsotra » no asan’ny filanto [miletsy](15)a ; hita amin’ny (15)a1 sy a2 fa na firy na firy tari-pehezan-teny, dia [miletsy] foana ny filanto amin’ny tari-pehezan-teny [alohan’ny farany] mankamin’ny tari-pehezan-teny [farany] amin’ny « filaza tsotra ».
« Filaza manontany (tsy misy zanateny manamarika « ontany ») ny asan’ny filanto [misonga] (15)b : ny « fivoitry » ny tari-pehezan-teny [alohan’ny farany] dia « kely » noho ny an’ny [farany].
[Aorian]’ny tampon’ny filanto isaky ny [faran]’ny tari-pehzan-teny dia misy filetsy « kely » toa « hisy fiatoana » (na dia « tsy misy fahanginana » aza), filetsy « kely » manana asa fanasarahana tari-pehezan-teny mizaka tena ; asa fanasarahana tari-pehezan-teny mizaka tena fa tsy afaka manavaka ny anjara asany, satria na « avadibadika » aza ny fifaharan’ny tarika izay samy hafa anjara asa dia mitovy hatrany ny filanto [miletsy] amin’ny tari-pehezan-teny [alohan’ny farany] mankamin’ny [farany] :
Filanto [miletsy] amin’ny t1 //t2 //t3 = t2 //t1 //t3 =t3 //t1 //t2…
Mety manavaka singa mizaka tena sy tsy mizaka tena anefa ny filanto raha mitovy ny voambolana ao amin’ny fehezan-teny toy ny amin’ny (16) sy (17) :
(16) t1 : mihinana ny biby // t2 : ao
(17) t1 : mihinana // t2 : ny biby // t3 : ao
[Tampona] filanto roa ny ao amin’ny (16) ka ny biby ao tsy tarika mizaka tena satria « fameno iharana » ;
[tampona] filanto telo ny ao amin’ny (17) ka ny biby ao dia tarika mizaka tena satria tarika mizaka tena « lazaina » fa ny ao kosa « fameno mpamari-toe-javatra ».
Toy ny amin’ny ambaratongan-tsikera hafa dia mbola mila fandalinana lalina ny lantom-peo amin’ny alalan’ny haifeo ara-panonja sy ara-pitaovana toy ny nataon-dRAFITOSON 1980 sy RAONIARISOA 1990.

4.3. Ny feon-teny ao amin’ny rakibolana : asa fisokajy amin’ny fihavanana ara-peo sy ara-kevitra

Tsapa fa misy sokajin-teny ao amin’ny rakibolana, izay mpihavana sady ara-peo no ara-kevitra, izany hoe misy toy ny « rohim-pihavanana » ao amin’ny voambolana iray sokajy ka ahitana toetra « iraisana » ao amin’ireo hasim-peo mpanamarika ny voambolana mpihavana andaniny, ary toetra « iraisana » koa amin’ny marihina amin’ny voambolana ankilany.
Lazaina fa asa fisokajy no sahanin’ny hasim-peo mpihavana satria izy no mpanamarika « mivantana » ny « fihavanan »’ny voambolana mpihavana ara-kevitra ;tsy misy anefa ny sokajy manokan’ny voambolana mpihavana raha tsy misy koa ny fihavanana ara-kevitra. « Jadona » sy « anjoka » ihany anefa ny fifandraisan’ny hasim-peo mpanamarika sy ny hevitra marihina amin’ny sokajina voambolana mpihavana (cf. §5.3) satria ao amin’ny rakibolana, ny fisian’ny hasim-peo mpihavana dia tsy midika ho fisian’ny hevitra mpihavana, ary ny fisian’ny hevitra mpihavana dia tsy voatery ho marihin’ny hasim-peo mpihavana :
(18) /A1/ [aloha, amolotra]: /v, mb, p, f…/
(19) /’tavi, ’tambi, ’tapi, ’tafi, ’tambi(na), ‘tampi(na), ’tafi(ka)…/
Mpihavana ara-peo ny sokajina voambolana ao amin’ny (19) satria samy misy sokajina hasim-peo /A1/ [aloha, amolotra] ao amin’ny vanin-teny [voalohany aorianan]’ny tsindry kanefa tsy misy fihavanana ara-kevitra ao amin’ilay sokajina voambolana ; (20) /akatra, anika, sondrotra, sandratra…/ « habaka, jidina, miabo… »
Mpihavana ara-kevitra ny sokajina voambolana ao amin’ny (20) kanefa tsy misy fihavanana ara-peo ; (21) /avu ambu abu avutra avuna…/ « toetra na hetsika miabo »
Mpihavana ara-peo ny sokajina voambolana ao amin’ny (21) satria ara-peo misy ny fihavanana « voafaritra » toy ny ao amin’ny(18), ary ara-kevitra satria samy milaza « toetra na hetsika miabo ».

4.3.1.Famaritana ny fihavanana ara-kevitra

Sarotra faritana kokoa ny lafiny hevitra noho ny lafiny feo : « vitsy an’isa » ny hasim-peo ary « tsy miova firy » ny isany fa ny hevitra kosa « tsy hita isa » toy isan’ny zava-misy tian’ny olombelona hambara amin’ny alalan’ny « teny » ka « miovaova » araka ny fahaizana amam-pahalalana izany. Amin’ny « famaritana » mahazatra amin’ny rakibolana dia heverina ho toy ny « bontolo » ny hevitra ambaran’ny voambolana ka manjavozavo ihany ; amin’ny haihevitra dia misy ezaka « hizarazarana » ny hasin-kevitra iray amin’ny voambolana ho silan-kevitra maromaro araka ny tsikera ara-drafitra ohatra ; hitantsika tao amin’ny (20) ohatra fa ny hevitra « iraisan »’ny voambolana ao dia voalaza « bontolo » hoe « toetra na hetsika miabo » ; amin’ny haihevitra ara-drafitra io hevitra io dia azo « faritana » amin’ny silan-kevitra toy ny hoe : [amin’ny habaka, lafiny mijidina, fitodika miabo…] (amin’ny /avu, ambu , abu…/); mety misy « findra » amin’ny [toetra na hetsika ara-tsaina na ara-po] io [toetra ara-kabaka] voafaritra io, toy ny amin’ny /avuna, (h)ambu, avutra/ . « araka habaka » ?findra? « ara-tsaina ».
Ity fomba faharoa ity no « hentitra » kokoa satria amin’ny alalan’ny haitsikera ara-drafitra no namaritana ny silan-kevitra maromaro mamorona ny singan-kevitra iray, ka ny fampiasana azy dia mampisy fimiran-drafitra amin’ny ambaratongan-tsikera haifeo sy haihevitra ; hitantsika tokoa tao amin’ny§§ 2 sy 3 fa ny feo iray dia « mizarazara » ho singan-toetra maromaro vokatry ny tsikera ara-drafi-peo; azo tanana « vonjimaika » anefa ny fomba « famaritan-kevitra mahazatra » rehefa mahafaritra ny fihavanan-kevitra.

4.3.2.Famaritana ny fihavanana ara-peo

Faritana araka ny sokajin-tarika sy sokajin-karazana ny fihavan’ny hasim-peo ;
-ny sokajin-tarika dia « faritana » araka ny fitsinjaran’ny hasimpeo « mifototra » amin’ny toeran’ny tsindrim-peo (cf.§§ 3.1, 3.2.) : R0, Z0 ; R1, Z1 ; R2, Z2 ;
-ny sokajin-karazana kosa dia « faritana » amin’ny alalan’ny mpihazaka ;
-mpihazaka figoka : G [migoboka] :
/b, d, g, v, z, mb, …/ G°[tsy migoboka]:/p, t, k, f…/
-mpihazaka fari-panononana : L [aloha, amolotra]:
/b, v, p, …/ T [anten.anify, ankihy]:/d, t, ts, dr…/ F [afara, andanil., an-traoka]:/k, g, ?, ?g, h…/
-mpihazaka fisokatra :
P[mikatona, mipoaka ]:/p, b, d, t, k, nt, nd, mp…/
T[mitafitafy, mikasoka]:/v, f, s, z, h/
K[mikatona tapany, mikasaoka]:/ts, tr, dr, , ntr, ndz…/
-mpihazaka fikentsona :
O[kentsona]:/m, n, ?/…
-zana-pihazaka :
R [miranoka]:/r, l, (dr, tr, ndr…)/
S [misioka]:/s, z, ts, dz, nts , ndz/
F° faran-teny]:/k, tr, n, ø/

Marihina fa ny sokajin-tarika F°= K2 dia ampilaharina amin’ny sokajin-karazana satria tsapa fa ny « fifanoloan »’ny renifeo ao aminy dia mety « hamorona » sokajin-drakibolana mpihavana ara-kevitra : mitovy anjara asa amin’ny sokajin-karazana hafa izany ny F° na dia sokajin-tarika aza.. Raha « ampiarahina » ny sokajin-tarika sy sokajin-karazana, dia toy izao : Lo, L1 ; Ko, K1, K2…

4.3.3. Famaritana ny sokajin-drakibolana mpihavana

Tokony ho azo « faritanana mifototra » amin’ny feo sy/na amin’ny hevitra ny sokajin-drakibolana mpihavana ; araka ny hita tao amin’ny §4.3.1 anefa dia mbola voafetra ny famaritana ara-bika ny hevitra, ka dia ny famaritana ara-peo no ifotorana fa ny ara-kevitra dia « famenon »’ny famaritana ihany.
Atomboka amin’ny sokajin-drakibolana misy fifamaliana farany kely, izany hoe misy hasin-teny mpamorona « mitovy » tanteraka afa-tsy amin’ny sokajin-tarika iray, ary ny hasim-peo amin’io sokajin-tarika tokana io no « mampiorina » ny fihavanana ara-peo ;ohatra ao amin’ny sokajin-drakibolana mpihavana (21) :
(21) /avu, ambu, abu, avutra, avuna, ampuka/ ,
dia misy « tapany itovizana »: dia ny mpiray tarika /a–u–(F°)/ ;
ny sokajina hasin-peo mpihavana /L1/[aloha amolotra]:
/v, mb, b, mp, f/ « mifanolo » ao [anelanelan]’ny /a0—u1/ dia ahazoana: /a0-L1-u1/ ; raha heverina fa afaka “mifanolo malalaka”ny /F°/: /k, tr n, ø/ amin’ny [faranteny] dia azo “aorina” ny raikipohy fananaka (atao anaty //…//): //a0-L1-u1-F°// mamaritra sy mananaka ny sokajin-drakibolana (21) ; tahaka ny amin’ny matematika, ny raikipohy dia:
-mamaritra ny singa rehetra efa ao amin’ny (21), izany hoe “mahalaza” ny toetra marina ananany ka “manamarina” ny mahaao azy,
-mananaka izany hoe afaka “mamorona” ireo singa efa ao toy ny ao amin’ny (21) sy izay rehetra mbola mety ho ao ka “mahafeno” ny fepetra voafaritry ny raikipohy, toy ny /afuka, afuna, *ambuka, *ambutra…/ izay tena misy ho an’ny voambolana roa voalohany ary mety hisy ho an’ny voambolana roa manaraka na dia mbola tsy ampiasain’ny mpiteny aza (misy kintana (*) mialoha).

Ny famaritana ara-kevitra “anehoann” ny hasin-kevitra iombonana dia mety manala na mampitombo ny voambolana ao amin’ny (21) ka ny sisa farany ao dia ireo ao anaty sokajina voambolana mpihavana ara-kevitra sady ara-peo.
Indreto àry misy santionana sokajina voambolana voafaritra ara-bika amin’ny lafiny ara-peo, ka avahana ny sokajin-drakibolana tokan-dafy (sokajim-peo “iray” no mamaritra ny fihavanana afatsy ny sokajy F° faranteny) sy ny maro lafy (sokajim-peo “roa” na mihoatra no mamaritra ny fihavanana , ka amin’ny fanoratra dia “ifanarahana” fa: -ny sokajim-peo sy hasim-peo dia atao anaty /…/ , ny -raiki-pohy famorona sokajin-drakibolana dia atao anaty //…// ary -ny hevitra ao anaty “…”:

Sokajin-drakibolana tokan-dafy:
(22) – /L/[aloha, amolotra] :/v, mb, b, mp…/
/L1/ ? // a0-L1-u1-F° // ?
?/avu, avuka, avuna, avutra, abu, ampuka, afuka, afuna…/
“habaka, jidina, miabo” ?”findra”?
?“toetra, hetsika miabo ara-batana, ara-tsaina, ara-po ”

- /L0/ ? // L0-ai0-?g1-u1-F°// ?
? /fai?gu, fai?guka, bai?gu, vai?gu, pai?gutra…/
“habaka, jidina na marindrano, mifori-doha”
(23) – /S/[misioka]: /z, s, dz, ts, nts, ndz…/
/S0/ ? //S0-e0-S1-i1-F°// ?
?/sesika, zezika, tsentsina, dzendzina…/
“habaka, marindrano, tsofoka”;?”findra”?
?“hetsika mafy (vatana, saina, fo…)”
(24) – /F/[afara]:/g, k, h…/
/F0/ ? //F0-u0-b1-u1-F°// ?
?/gubuka, gubuna, kubuna, kubuka, hubuka, kubu…/
“habaka , hadiry, miaty, mihiboka;?”findra”? toetra , hetsika, feo anaty toerana mihiboka”
(25)- /H/ [mihovitra]:/r, tr, dr …/
/H0/ ? //H0-a0-k1-a1// ?
?/raka, traka, draka…/
“habaka, jidina, iba miabo; ?”findra”?toetra, hetsika miabo”

Sokajin-drakibolana maro lafy:
(26) – /F/[afara]:/g, k, h, …/
/L/ [aloha]:/b, p, mb, f, …/
/F0+L1/ ? //F0-u0-L1-u1-F°// ?
?/kubuka, gubuna, kubu(kubu), kuboka, hubuka, kumbuna, kufuka…/
« habaka, hadiry, miaty , hibuka ; teotra , hetsika na feo anaty toearana mihiboka »
Marihina fa na maro lafy ara-peo aza ny (26) dia « mitovy » hevitra iombonana amin’ny tokan-dafy (24)
(27)- /F/[[afara] : /g, k, h, …/
/L/[aloha]:/b, p, mb, f, …/
/F0+L1/ ? // F0-e0-L1-a1-F°// ?
?/gebaka, kebaka, hebaka, kepaka, hefaka, heva(heva), …/
« foana anaty, tsingevana »? »findra »? « noana, reraka »
Tsapa araka ireo ohatra ireo fa misy tokoa ny asa fisokajy sahanin’ny hasim-peo mpihavana ao amin’ny rakibolana ho an’ny voambolana mpihavana ara-peo sady ara-kevitra, ambonin’ireo asa hafa mety hananany amin’ny fiasany ao amin’ny rafi-teny.

5.3.Ny feon-teny ao amin’ny rakibolana sy ny lahateny na (lahatsoratra)

Ankoatra ny anjara asa fototra famoronana, fanavahana, fiendrika ary fisokajy iandraiketan’ ny hasim-peo, dia misy anjara asany hafa koa amin’ ny voambolana ao amin’ny rakibolana sy ny voan-teny ao amin’ny lahateny (sy lahatsoratra). Anisan’izany ny asa fitaha sy ny asa faneva ao amin’ny rakibolana.
« Jadona » sy « anjoka » ny ifandraisan’ny mpanamarika (ny hasim-peo mamorona azy) sy ny marihina (ny hevitra raiketiny) ao amin’ny hasin-teny : « jadona » satria tsy misy fitsipika raikitra azo anamarinana ny « fifandraisan »’ny feo sy ny hevitra ao amin’ny voambolana ; « anjoka » satria tsy azo hazavaina koa ny antony nifidianana ny feo tsirairay niforonanan’ny voambolana fa toa vokatry ny « kisendrasendra » ; toy izany ohatra ny feo efatra [tr+a+ n+u] ao amin’ny hasin-teny /’tranu/ : tsy misy ifandraisany amin’ny hevitra voalazan’ ny voambolana trano « toerana fonenana », ary toy izany ny « fifandraisana » amin’ny ankamaroan’ny voambolana. Misy sokajina voambolana anefa ahitana « fifandraisana » mitaha na maneva, ka amin’ny voambolana manambara « feo voajanahary » , « hetsika », « fihetseham-po » na « toetra miavaka hafa » manokana no tena isongadinany.
Raha lazaina anefa fa mitana ny anjara asa fitaha na faneva ny feon-teny amin’ny rakibolana, dia toa misy « fifandraisana » azo anamarinana ampahany ny « fifandraisan »’ny mpanamarika sy ny marihina ao amin’ny voambolana misy azy.

5.3.1. Ny asa fitaha

Misy tokoa feon-teny « manahatahaka » ny « feo » voajanahary ambaran’ny hevitry ny voambolana ; « manahatahaka » fotsiny fa tsy mitovy tanteraka, izany hoe mbola ao ihany ny « jadona » sy ny « anjoka ». Rehefa misy fifamaliana voambolana anaty manandroa, manantelo na mihoatra ahitana fahasamihafana farany kely na « farany vitsy » no tena isehoan’izany ; ary fifamaliana ara-drafipeo koa eo amin’ny feon-teny no tena « mampisongadina » ny asa fitaha ka ny toetra ara-taova dia mamaritra ny fahasami hafana fotsiny fa ny toetra ara-pandraisana sy ara-panonja no tena mampiseho ny fitaha.

5.3.1.1. Ny tahan’ny renifeo

. Amin’ny ankapobeny,
-« malefaka » kokoa ny feo [kentsona] noho ny [am-bava] , satria angamba ara-panonja dia [kely tsindry] kokoa (cf. §2.1.4.1.):
(16) [n ? t, k] ao amin’ny nananana?tatatata, kakakaka
[m ? d, g] mamamama?dadadada, gagà(ka)
. -« miavaka sy avo » kokoa ny feo [antenantenany (anify na ankihy)] noho ny feo [aloha (amolotra )] .sy ny feo [afara (andanilany mafy na malemy, na antenda)], satria ara-panonja, ny feo [ antenantenany] dia [mateti-piherina] kokoa, izany hoe [filo] noho iretsy farany [mahalam-perina] kokoa izany hoe [dombo] ka « mikombonkombona »noho ny feo [antenantenany] :
(17) [d ? b, g] ao amin’ny dadadada ? babababa, gagàka
dodododo ? bobobobo, gogogogo
dao, kidaona ? (mi)baobao(Btsl), (mi)gaona
-« mafy fipoahana» kokoa ny feo [mikatona] noho ny feo [mikatona tapany] na ny [mitafitafy] izay « misoka » kokoa noho ny roa voalohany satria ara-pandraisana dia [mipoaka] ny voalohany, [mikasaoka] ny faharoa ary [mikasoka] ny fahatelo, kanefa [misioka na misoka] iretsy roa farany fa tsy misy « fipoahana » :
(18) [t, d ? ts, dz ? s, z/ ao amin’ny dadadada ? jajajaja?sasasasa ;dodododo ? jojo?sosososo
tatatata ? tsatsatsatsa ? sasasasa
totototo ? tsotsotsotso ? sosososo
-« malefaka » kokoa ny feo [migoboka] noho ny [tsy migoboka] ary voamarina ara-panonja izany satria [be tsindry lavitra] ny [tsy migoboka] :
(19) [t, ts, k, f…? d, dz, g, v…] ao amin’ny :
totototo ? dodododo, tsotsotsotso ? (mi)jojo, tsatsatsatsa ?
jajajaja, katraka ? gadra(ka), (mi)kaonkaona ? gaona, fofofofo ?
(mi)vovó

5.3.1.2. Ny tahan’ny zanapeo

Ny toetry ny zanapeo anefa dia mety « manamafy » , mameno ary mety koa anefa « manota » na mamono ny toetra mety ho tahan’ny renifeo ; toa « mifameno» ohatra ny « filefaky » ny renifeo [migoboka][m, n, g] sy ny zanapeo [u] izay samy[malefaka] ara-tsindry ary samy [dombo] ara-pahatetika ka toa manambara feo « malefadefaka » sy « mikombonkombona » ; toa mifameno amin’ny «fihamafy » kosa ny renifeo [k, t] [mipoaka mafy] sy ny zanapeo [a] [mafy] ara-tsindry :

(20) [m, n, g, ] + [u] ao amin’ny monomonona, gonongonona
[k, t] +[a] kakakaka, tatatata
Toa « manota » kosa ny « fipoaky » ny renifeo [tsy migoboka mipoaka] toy ny [p, t, k ;b, d, g] ny fiarahany amin’ny zanapeo [mikombona afara] [u] izay ara-panonja dia [dombo, malefaka] ; kanefa bebe kokoa ny « filefahan’ »ny feo rehefa miaraka amin’ny zanapeo [u] ny renifeo [migoboka mipoaka] satria efa [malefaka] rahateo izy miohatra amin’ny renifeo [tsy migoboka] :
(21) [p, t, k ?b, d, g]+[u] ao amin’ny popopopo, totototo, kokokoko ? bobobobo, dodododo, gogogogo
Amin’ny samy zanapeo kosa dia fifamaliana tsiroaroa (na indraindray tsitelotelo raha miambaratonga) no « mampivoitra » ny toetry ny feo mitaha [a] [mafy , misokatra] mifamaly amin’ny [i, u] [malefaka (ara-tsindry), mikombona] :
(22) [a ? i, u] ao amin’ny dradradradra ? dridridridry, dridrodridro
kakakaka ? kikikiky, kokokoko
Ny zanapeo samy [mikombona] kosa dia « mampivoitra » ny fifamalian’ ny feo [filo][i] sy ny feo [dombo] [u] ka mampifamaly ny feo « mikantsana, avo » ambaran’ny voambolana amin’ny « mikombonkombona, iva » :
(23) [i ? u] ao amin’ny kikikiky ? kokokoko, jijijijy ? jojo
Ny [mikombona tapany aloha] [e] mifamaly amin’ny [mikombona afara] dia mitovitovy amin’izany ihany satria [filo] nefa « misokatsokatra » kokoa noho ny [u] [dombo mikombona] « malomaloka, manakoako anaty » kokoa :
(24) [e ? u] ao amin’ny kehina ? kohona , ketrika ? kotroka , menona ? monona , trena ? trona, kehina ? kohona

5.3.2.Ny asa faneva

Raha ireo ohatra amin’ny feon-teny mitaha ny « feo » ambaran’ny voambolana ireo no dinihina, dia toa misy tokoa antony mitombina manamarina ampahany ny « fifandraisana voajanahary » amin’ny mpanamarika sy ny marihina ao amin’ny voambolana , toa sahala amin’ny tsy « jadona » na tsy « anjoka » tanteraka araka ny voalaza tery ambony ny « fifandraisany ».
Amin’ny sokajina voambolana manambara « feo » ihany anefa no misy izany « fifandraisana » toa mitombina izany ; kanefa na amin’ireo aza dia mbola misy « jadona » sy « anjoka ».
Tsapa tokoa ohatra, fa ireo feon-teny voatanisa fa mitaha ireo dia tsy voatery manambara « feo » amin’ny voambolana ary ny « feo » voambara fa tahaina dia tsy voatery ireo feon-teny voatanisa ireo no anambarana azy ; toy izany, ireto feon-teny mitaha « feo » amin’ny ohatra etsy ambany ireto dia tsy manambara « feo » velively, na farafaharatsiny tsy manamabara « feo » mivantana ; amin’izy ireto , milaza « feo » ny voambolana voalohany fa tsy milaza kosa ny faharoa :
(25) vazavaza ? zavazava, dobodobo(ka) ? bodobodo(ny), gonongonona ? nongonongona, tabataba ? batabata Marihina fa ao amin’ny (25) dia « mitovy » ihany ny hasim-peo ampiasaina ao amin’ny voambolana , ny « filaharany » ihany no « tsy mitovy » kanefa dia tsy milaza « feo » ny faharoa.
Azo marihina fa indraindray dia ny fiendriky ny teny no mamaritra ny mpanamarika « milaza feo » ? « tsy milaza feo » : ohatra, ny fiendrika verindroa ? fiendrika tsotra mifaranteny –ka, -tra, -na :
(25)bis « milaza feo » ? « tsy milaza feo » ao amin’ny tatatataø ? tatatra, tataka, dodododoø ? dodona, dodoka, boboboboø ? boboka, topatopaø ? topaka, totototoø ? tototra

5.3.2.1.Ny asa faneva ao amin’ny rakibolana

Mazava amin’ireo ohatra ireo fa mbola misy « jadona » sy « anjoka » ihany na amin’ireo voambolana misy feo mitaha ireo aza. Amin’ny asa fanevan’ny feon-teny dia misy « fifandraisana » « jadona » sy « anjoka » koa, ary io aza no tena manan-kery hatrany ao amin’ny rakibolana ; kanefa misy « fifandraisana » toa « raikitra » amin’ny feon-teny (tsy amin’ny « feo » ambaran’ny voambolana ihany, satria matetika dia tsy « feo » no ambarany) sy amin’ny toetra manokana marihin’ny voambolana izay « mifandray » amin’ny toetra manokan’ny feon-teny manamarika azy ; fifandraisana « raikitra » vokatry ny « fifanarahana » na ny « fahazarana » io fa tsy voatery ho voamarin’ny tsikera haifeo sy haihevitra .
Ohatra amin’izany :
- ny feonteny [f, v] dia toa « raikitra » ampifandraisina amin’ny « rivotra » (na mivantana na an-kolaka) amin’ny voambolana mitaha feo : (26) [f, v] ao amin’ny fofofofo, tafoforana, mifofotra (amin’ny heviny ara-bakiteny : « mampiasa tafoforana »), mivovo, savovona, tafiotra, fioka
- ny feon-teny [s, z, ts dz…] dia toa« raikitra » hanambarana « feo » « misioka na misoka » : (27) [s, z, ts, dz…] ao amin’ny sioka, tsioka, sasasasa, sosososo, tsotsotsotso, misiaka, tsioka, mitsoka
-ny feon-teny [r] dia amin’ny voambolana manambara « rano » : (28) [r] ao amin’ny :rano, riaka, riana, roatra, koriana, kararana, rora
-ny feon-teny [misokatra] [a] dia toa anambarana zavatra « be (halava, haavo, velarana, hadiry) »… (28)[a] ao amin’ny lava, ranjanana, malalaka, dada(sika), vanavana, tanatana, banabana, dananana…, varavarana
-ny feon-teny [mikombona na mikombona tapany] [i, u, e] dia toa manambara zavatra « kely (halava, haavo, velarana, hadiry…) » (29)[i, u, e] ao amin’ny fohy, etry, tery, kely, biti(ka), kirintsi(na), botry, zeny, ety, jobo

Ireo ohatra renifeo maneva ireo dia mbola manakaiky ny feo mitaha ihany na dia tsy « mitombina » loatra aza ny « fitovitovizan »’ny feon-teny sy ny « feon-javatra » ; ny mahaevan’ny « feon-javatra » ny feon-teny no toa marimarina kokoa ; ny asa fanevan’ny feon-teny dia « mitombina » kokoa amin’ny zanapeo satria tsy feon-teny mitaha « feon-javatra » intsony fa evan’ny toetry ny marihina (hevitra) ambaran’ny voambolana izy amin’izany.
Amin’ireo ohatra amin’ny zanapeo ireo dia mbola toetrana « zavatra mivaingana azo tsapaina » na mety « ho hita » no evain’ny feon-teny, fa amin’ireto ohatra farany ireto dia « fihetsika, toetra » na « fihetseham-po » no evain’ny zanapeo ;

-« fihetsika na toetra « ety » ny an’ny zanapeo [i] :
(30)[i]ao amin’nyfintina, fihina, tsitsy, vihivihy, hirifiry, finjifinjy, hihitra, kikitra
-« fihetsika » na « toetra » « mikombona, miaty, miforitra anaty » ny an’ ny zanapeo [u] : (31) [u] ao amin’ny lombona, kombona, bongo, hohoka, hohona,
konjo, kobona ~ kobon(ina), (ta)koko,
kononkonona, honjohonjo

Marihina fa saika renifeo [aloha ] [b, mb] sy [afara] [k, nk, g, ng, h, ] samy [dombo (mahalam-piherina)] daholo ireo « manamafy » ny zanapeo [u] [mikombona, dombo, malefaka] (cf.§5.3.1.2).
Anterina hatrany fa mbola ny « fifandraisana » « jadona sy anjoka » no tena mitombina satria amina sokajina vombolana manokana ihany no misy ny asa fanevan’ny feon-teny fa ivelan’ireo, dia ny asa fanavahana sisa no iandraiketan’ny feon-teny amin’ny mahahasim-peo azy.

5.3.2.2. Ny asa faneva ao amin’ny lahateny na lahatsoratra

Amin’ny lahateny na ny lahatsoratra dia mety hahitana ny asa faneva rehefa misy feon-teny (na « soratra » manambara feo manokana) miverimberina matetika noho ny mahazatra ; feon-teny toy ireo amin’ny § 5.3.2. ; ny fiverimberenan’ny feo dia mety fanahy iniana na tsy fanahy iniana, ary tsy misy « lanjany » izy amin’ny lahateny (na lahatsoratra) raha tsy mihoatra amin’ny fahatetiny(araka antontanisa) mahazatra ny fitrangany « miverimberena » ; ny « fiverimberenana » izany dia tsy amin’ny voambolana iray na roa fa maro ao amin’ny lahateny na ampahan’ny lahateny, ary tsy voatery ho amin’ireo voambolana misy feo taha na eva ihany fa indrindra koa amin’ny voambolana tsy misy izany aza matetika.

Ny fiverimberenan’ny feo sandaina araka ny fitranga sy fahatetika amin’ny haiantontanisa.
Ny ahafantarana ny mampisy « lanjany » azy dia tokony ho vokatry ny tsikera araka ny haiantontanisa mba ho « hentitra » tsara, kanefa ny « fahazarana » miampy ny « fahatsiloana » dia mety ho ampy handanjalanjana izany « lanjany » izany ; ohatra, raha ny feo [a] na ny feo [n] no hita betsaka indrindra ao amin’ny lahateny na ampahan-dahateny iray dia tsy misy « lanjany » izany raha tsy mihoatra ny fahatetika f(a)=0, 21, f(n)=0, 056 ao amin’ny rakibolana (cf.ANDRIANASOLO 1988) ary mihoatra an’ireo amin’ny lahateny, satria ireo feo ireo no mateti-pitranga indrindra amin’ny feo malagasy rehetra.
Voalazan-dRAJAONA 1994 fa mbola tsy fahita firy amin’ny asa soratra malagasy ny asa fanevan’ny feon-teny, izay mitondra anarana manokana amin’ny haisoratra vahiny : fampiakoana zanapeo ( mamarana) na renifeo ( manomboka) amin’ny toerana manokana ary rindram-peo mitaha raha amin’ny ankapobeny tsy voafari-toerana ; azo raisina ho ohatra amin’ ny rindram-peo mitaha ny fampiasana ny feo [m, n] sy [u] ao amin’ny tononkalon-dRABEARIVELO hoe Eritreritra fahavaratra, andininy voalohany : Mijononoka moramora ny orana avy hariva.
/ Ny alina madiva / Hamonto an-torimaso ny lanitra sy tany, / Ka hitondra any ho any…/ Any ho any, nefa aiza ?Aiza ho aiza, ry Fanahy / Toa reraka, manahy ? / Aiza ho aiza no hiampita izao nofinofinao / izay mameno, no injao / Mihodinkodina ao am-po, mihodinkodina ao an-tsaina / toa rano nohafanaina.

Toy izao ny fitrangan’ny feo [m, n] :
-37 ny isan’ny renifeo [mikatona kentsona malefaka dombo] [m, n] miasa ao ( tsy isaina ny renisoratra « m, n » amin’ny renifeo [kentsona tapany[) ; ny isan’ny renifeo [mikatona ambava mipoaka mafy sy/na malefaka, filo sy/na dombo] [p, t, k, d] miasa dia 12 ; ny fahatetika andrasana anefa dia O, O9 ho an’ny[kentsona] ary O, 19 ny an’ny [ambava], ny zarany andrasana dia 0, O9/O, 19= O , 47(cf. ANDIANASOLO 1988), izany hoe tokony ho antsasaky ny feo [ambava] ny feo [kentsona] ; ka raha 12 ny renifeo [ambava] tena miasa dia tokony ho 6 izany ny isan’ny feo [kentsona] andrasana ; ao amin’ny andinin-tononkalo anefa dia 37 ny isan’ny renifeo [kentsona] tena miasa, izany hoe : avo 6 heny amin’ny andrasana izany ; azo lazaina tsy mihambahamba izany fa misy « lanjany » be dia be ny fampiasana ny renifeo kentsona /m, n/ eto.

Toy izao indray ny fitrangan’ny feo [u] : 27 ny isan’ny tena miasa raha 44 ny an’ny feo [a] (tsy isaina ny singa « a » na « o » amin’ny zanatsoratra « oa, ao, ia » amin’ny zanapeo sosona) ; ny fahatetika andrasana amin’ny [u] dia O, 1O , ny an’ny [a] dia O, 24 ; ny zarany andrasana dia O, 1O/O, 24=O, 41, izany hoe tokony ho antsasany latsaka be izany ny isan’ny feo [u], ka raha 44 ny isan’ny feo [a] tena miasa dia tokony ho 17 ny isan’ny feo [u] andrasana ; 27 anefa ny [u] tena miasa, izany hoe mihoatra isa 1O amin’ny andrasana izany ; azo lazaina koa izany fa misy « lanjany » ny fampiasana azy ; raha ny zanapeo [voatsindry] (reny sy zana-tsindimpeo) no raisina satria ireo no tena « re » (tsy misy voatelina amin’ny fanononana), dia vao mainka mibaribary ny mampihoatra ny isan’ny [‘u] [voatsindy] (15) amin’ny isan’ny [‘a] [voatsindry] (11), izany hoe mihoatra 1 sy sasany ny [‘u] [voatsindry] miohatra amin’ ilay antsasany latsaka andrasana ; vao mainka koa mampisy « lanjany » ny fampiasana ny [u] izany.

Ny mety ho lanjan’ny « fiverimberenan’ » ny feo [m, n] sy [u] ao amin’io tononkalon-dRABEARIVELO io Araka ny hita tao amin’ny §§ 5.3.1.1. sy 5.3.1.2., ny renifeo[m, n] dia [kentsona, migoboka, dombo, malefaka], ny zanapeo [u] dia [mikombona, dombo, malefaka] ; ireo feo ireo no toa « mandoko » manokana ilay andinin-tononkalo .

Na tsy mifantoka amin’ny « tara-kevitra » sy « fihetseham-po » ambaran’ny tonon-kalo aza eo « am-panononana » na « am-pihainoana » azy, dia toa sarotra ny tsy hihontsina amin’ny « rotirotsin’ » ireo tamberim-peo « malefadefaka » sy « malomaloka » ; ary raha ampifandraisina amin’ny « tarakevitra » sy ny « fihetseham-po » ambaran’ny andinin-tononkalo izany dia toa « maneva » ny fotoana « mamaton-kariva » , « madiva ho alina », mitondra amin’ny « nofinofy » ; ireo tamberim-peo ireo dia mbola mainka koa « avoitry » ny fiendrika mitamberina amin’ny verindroa (moramora, nofinofy…) sy tamberin-teny (any ho any, aiza ho aiza) ka « manantitra » ny « fihetseham-po » efa « malomaloka » nefa vao mainka « mamolivoly », « mitambolimbolina » sy « manakoako anaty » aza, noho ireo tamberina feo sy teny ireo.
Tsy maintsy tsorina anefa fa amin’ny asa faneva, raha mety ho « hentitra » kokoa ny tsikera mpanamarika amin’ny alalan’ny taranja haifeo, haiteny sy haiantontanisa, dia misy lafiny « anjoka » ihany ny fanakarana ny « lanjan’ »izany amin’ny marihina eo amin’ny haihevitra ary indrindra amin’ny lafiny haisoratra.

Ny fitsikerana ny feon-teny sy ny fiasany amin’ny ankapobeny

Hitantsika tamin’ity famelabelarana ity ny santionan’ny mety ho fitsikerana sy fiasan’ny feon-teny – ny efa vita sy ny mbola mety hatao amin’ny firehana ara-drafitra sy araka anjara asa naseho teto, na amin’ny firehana hafa koa – , ao amin’ny ambaratongan-tsikeran’ ny rafi-teny na amin’ny sehatra hafa mifandray aminy. Ny anjara asa -famoronana sy -fanavahana hasin-teny no tena fototra ao amin’ny haifeo sy rafi-peo, fa misy lanjany koa ny asa -fiendrika amin’ny mpanamarika ny hasin-teny ; -filatsika (tsindrim-peo sy filanto) amin’ny voan-teny, tari-pehezan-teny sy fehezan-teny ; -fisokajy amin’ny rakibolana ; ary –fitaha sy –faneva amin’ny rakibolana, lahateny sy lahatsoratra. Tsy ireo ihany no idiran’ny tsikera sy ny asan’ny feon-teny, fa mbola maro no tsy voakasika teto toy ny -fampitahana ny rafitry ny fiteny malagasy samihafa izay iray rafitra na misy fiseho mampiavaka azy aza ; -fampitahana « an-kehitra », « ara-potoana » sy ara-toerana ireo teny mpihavana amin’ny teny malagasy amin’ny vondron-teny aositraonezianina izay efa natombok’i DAHL 1938, 1951, 1952 sy ny mpialoha lalana azy ; -ny toetra sy firafiny araka ny haiantontanisa sy tetikisa efa natombok’ANDRIANASOLO 1988; -asany eo amin’ny fampianarana tenin-dreny na teny vahiny ; -asany amin’ny fanitsy sy fitsabo fiteny, ary indrindra ny –asany amin’ny fampiasana solosaina.

Ny feon- teny sy ny solosaina amin’ny fampandrosoana

Amin’izao andron’ny fandrosoana amin’ny siantsa sy haitao izao dia misy anjarany ny feon-teny : eo aloha ny ilana ny solosaina hanampy amin’ny asa fitsikerana sy fikarohana momba ny feon-teny sy ireo ambaratongan-tsikera mifandray aminy.
Raha vita « ara-bika » toy ny hita taratra kely tao amin’ny tsikera rafi-peo, fiendrika (cf. § 4.1.3.1.) sy fisokajy ny fitsikera sy ny vokatra, dia mora kokoa ny mandrafitra fandaharana hibaikoana ny solosaina hifantina, handahatra sy hamaritra ireo singa samihafa amin’ny rafi-teny ka hamaritra sy hamorona :
-hasim-peo(efa misy) amin’ny alalan’ny fitsipika mifehy ny singan-toetra ;
-hasin-teny( efa misy na mety hisy) amin’ny alalan’ny fitsipiky ny rafi-peo ;
-voan-teny (sampan-teny na kamban-teny efa misy na mety hisy) amin’ny alalan’ny fitsipiky ny fiendrika ; amin’ny ambaratonga hafa,
-tarika sy fehezan-teny amin’ny alalan’ny fitsipika mifehy ny fifehezan-teny ; ao ihany koa ny fampiasana ny solosaina hanampy amin’ny famaritana ny toetry ny singa isan-karazany ao amin’ny rafi-teny araka ny haiantontanisa sy tetikisa. Izay ny asa fitsikerana sy famoronana ;

fa mbola ao koa :
-ny famoronana fandaharana hibaikoana ny solosaina hitsara ny diso amin’ny asa fanoratana ;
-ny famokarana fandaharana hibaikoana ny solosaina hamoaka feon-teny mirafitra amina karazam-pehezan-teny rehetra(hamaky lahatsoratra ohatra na hanome baiko na valiny amin’ny alalan’ny feon-teny mirafitra am-pehezan-teny fa tsy amin’ny alalan’ny soratra na voan-teny tononina mitokana araka ny mbola miely amin’izao fotoana izao) ;
-ny famokarana fandaharana hibaikoana ny solosaina « hamantatra » ny feon-teny (tononina fa tsy soratana) ka ahazoana mibaiko ny solosaina na ny milina hafa amin’ny alalan’ny feon-teny mirafitra am-pehezan-teny, tononina toy ny andavanandro (fa tsy amin’ny alalan’ny voan-teny vitsivitsy toy ny efa misy sasany ho an’ny teny vahiny efa mandroso) ; ao koa ny fikarohana fandaharana manokana hibaikoana ny solosaina « handika » ny teny malagasy amin’ny teny vahiny , na ny teny vahiny amin’ny teny malagasy, tsy amin’ny voambolana mitokantokana na amin’ny fahezanteny tsotsotra ara-drafi-pehezan-teny sy ara-kevitra (toy ny efa misy koa amin’ny tenin’ny tany mandroso) fa amin’ny karazam-pehezan-teny sy karazan-kevitra rehetra.
Efa manomboka ny fikarohana amin’ireo na dia mbola mibadabada ihany aza, ka azo antenaina fa ny feon-teny manokana ary ny teny malagasy amin’ny ankapobeny dia ho tafiditra amin’ny fandrosoana sy ny fampandrosoana !…

ANDRIANASOLO Fidèle Joseph
Biblîôgrafia Marihina fa maro ireo asa nataon’ny mpandinika, mivantana na an-tselika, momba ny feon-teny ; hita amin’ny fanoroam-bokin’ ireo boky vitsivitsy voatanisa eto ny ankabeazan’ireny asa ireny.
ANDRIANASOLO (Fidèle Joseph) 1988.-Interprétations fonctionnelles et combinatoires des problèmes de phonologie malgache . Thèse pour le Doctorat d’Etat es Lettres et Sciences Hu- maines.- Paris, Université Paris VII ; Antananarivo, U F R de Langue et Lettres malgaches. 1988.- Tome I, 428 p. ; Tome II, 448p. ; Annexes, 236p.
DAHL (Otto Christian) 1952.- « Etude de phonétique et de phonolgie malgaches », Norsk Tidsskrift for Sprogvidenskap. – Oslo, 1952.- p. 148-200.
RAFITOSON (Elisa) 1980 .- Accent et intonation de la phrase « objective » en malgache- merina. Thèse pour le Doctorat de Troisième Cycle.- Aix-en- Provence, 1980.- 329p.
RAKOTOFIRIGA (Hippolyte) 1982.- L’accent et les unités phoniques élémentaires de base en malgache-merina..-Lille, A.R.T. Université de Lille III, 1982.- Tome I, 600 p., Tomme II, 343 p.
RAJAONA (Siméon) 1993.- Ny zava-kanto vita amin’ny teny.- Antananarivo, Editions Ambozontany 1993.- 124 p.
RONIARISOA (N.H) 1990.- Accent and intonation in a malagasy Dialect. Thèse pour le Degree of Doctor of Philosophy. – University of Wales, Bangor 1990.- 303 p.